صفحہ اول تعلیم و ٹیکنالوجی دنیا کا طاقتور ترین راکٹ پہلے خلائی مشن پر روانہ

دنیا کا طاقتور ترین راکٹ پہلے خلائی مشن پر روانہ

2 min read
0
0
6
Share on Pinterest
Share with your friends










Submit

واشنگٹن: دنیا کا طاقتور ترین راکٹ ’’فالکن ہیوی‘‘ اپنے پہلے خلائی مشن پر روانہ ہوگیا، راکٹ کو فلوریڈا میں اسی جگہ سے روانہ کیا گیا جہاں سے دنیا کے پہلے انسان نے چاند کا سفر شروع کیا تھا۔

فالکن ہیوی کے خلائی مشن کا مقصد انسانوں کو سیارہ مریخ تک لے جانا ہے۔

امریکی کمپنی اسپیس ایکس نے فالکن ہیوی نامی خلائی راکٹ کو فلوریڈا کے کینیڈی اسپیس سینٹر سے خلائی سفر پر روانہ کیا۔

یہ راکٹ حجم میں بھی بڑا ہے اور اسے اب تک کا سب سے طاقتور قرار دیا جا رہا ہے۔

اسپیس ایکس کے سربراہ ایلن مسک نے کہا ہے کہ نئے راکٹ کی پہلی پرواز کی کامیابی کے امکانات ففٹی ففٹی ہیں۔

فالکن ہیوی اس وقت دستیاب خلائی گاڑیوں میں سے سب سے زیادہ باصلاحیت ہے، اس راکٹ کا ڈیزائن ایسا ہے کہ یہ زمین کے مدار میں 64 ٹن وزنی سامان لے کر جا سکتا ہے یعنی یہ خلاء میں لندن کی5 ڈبل ڈیکر بسوں کے ساتھ پرواز کر سکتا ہے۔

ایلن مسک کا کہنا ہے کہ یہ دنیا کے دوسرے طاقتور ترین راکٹ ڈیلٹا فور ہیوی سے دگنی صلاحیت رکھتا ہے لیکن اس کے مقابلے میں اس پر خرچہ ایک تہائی آیا ہے۔

فیلکن ہیوی نے کامیابی کے ساتھ گاڑی اور اس میں بیٹھے مجسمے کو زمین کے مدار تک پہنچادیا— اے ایف پی

انہوں نے بتایا کہ اس مشن کا مقصد ٹیسلا کار اور اس میں بیٹھے مجسمے کو مریخ کے مدار میں پہنچانا ہے۔

اس پہلے تجرباتی مشن کو لاحق خطرات کے پیش نظر مسک نے بہت کم وزن بھجوانے کا فیصلہ کیا ہے جس میں ان کی سرخ ٹیسلا اسپورٹس کار بھی شامل ہے۔

پہلے مرحلے میں اس راکٹ نے اپنے ساتھ موجود کار اور اس میں بیٹھے مجسمے کو زمین کے مدار تک پہنچادیا ہے۔

فالکن ہیوی میں اسپیس ایکس کے9فالکن گاڑیوں میں سے 3 کو ایک ساتھ باندھا گیا تھا، لانچ کے بعد راکٹ کا نچلا حصہ کنٹرولڈ انداز میں زمین پر لوٹ آیا ہے، دوسرے دو فلوریڈا کے ساحل پر کینیڈی کے جنوب میں ٹچ ڈاؤن زون میں واپس آئے ہیں جبکہ تیسرے بوسٹر کو سمندر میں سیکڑوں کلومیٹر کے فاصلے پر نصب ڈرون شپ اسٹیشن پر اترنا تھا۔

لانچ کے دوران ڈرون شپ سے ویڈیو سگنل منقطع ہو گیا تھا جس کی وجہ سے تیسرے بوسٹر کے بارے میں کچھ معلوم نہیں ہوسکا۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

نیا زمانہ، نیا چینل اور نیا ردھم، ریڈیو پاکستان نے نوجوانوں کو شاندار موقع دیدیا

لاہور: اخبارات اور ٹی وی بھی ریڈیو کی اہمیت کو کم نہیں کرسکی اور اب ریڈیو پاکستان ایک مرتب…