انٹرٹینمنٹ

حال ہی میں منگنی کرنے والی ارمینا خان پہلے سے شادی شدہ ہیں؟

حال ہی میں اپنے قریبی دوست کے ساتھ منگنی کے بندھن میں بندھنے والی خوبرو پاکستانی اداکارہ ارمینا خان نے اپنی شادی کی جھوٹی افواہوں کی تردید کرتے ہوئے کہا ہے کہ ان کی نجی زندگی میں مداخلت بند کی جائے۔
پاکستان شوبز انڈسٹری کی نامور اداکارہ ارمینا خان نے حال ہی میں سوشل میڈیا پر ایک تصویر شیئر کی ہے جس میں ان کے منگیتر کیوبا کے ساحل سمندر پر گھٹنوں کے بل جھک کر انہیں شادی کی پیشکش کرتے نظر آ رہے ہیں جبکہ ارمینا نے اس تصویر کے ساتھ لکھا ہے کہ میرے دوست نے گھٹنوں کے بل جھک کر مجھ سے شادی کیلئے پوچھا اور میں نے ’’ہاں‘‘ کر دی۔
یہ خبر سن کر جہاں ان کے مداح خوشی سے نہال ہو گئے وہیں اس خبر نے ہزاروں لوگوں کے دل توڑ دئیے کہ پاکستان کی حسین ترین اداکارہ اب کسی اور کی ہو چکی ہیں تاہم کہانی میں ٹوئسٹ اس وقت آیا جب ایک شخص نے یہ اعلان کیا کہ ارمینا منگنی کیسے کر سکتی ہیں وہ تو پہلے سے شادی شدہ ہیں۔

دوسری شادی کی خبر سن کر میڈیا سمیت ارمینا خان بھی ہکا بکا رہ گئیں اور ٹویٹ کرتے ہوئے کہا کہ کیا واقعی میری شادی ہوچکی ہے؟ اگر یہ سچ ہے تو مجھے میری شادی کی تصاویر بھیجی جائیں میں دیکھنا چاہتی ہوں کہ شادی کے دن میں کیسی لگ رہی تھی۔

ارمینا نے مذاق ہی مذاق میں شادی کی جھوٹی افواہ پھیلانے والے شخص کو کڑی تنقید کا نشانہ بناتے ہوئے انہیں ’’کیڑے‘‘ سے تشبیہ دیتے ہوئے کہا کہ وہ لوگ جو اردو میں ’’کیڑے‘‘ کا مطلب نہیں سمجھتے ان کیلئے عرض ہے کہ کیڑے سے میری مراد ایک ایسے جاندار کی ہے جو انسانی جسم میں رہتا ہےاور مسلسل اُس انسان کو کسی دوسرے کی زندگی میں مداخلت کرنے پراکساتا رہتا ہے۔

واضح رہے کہ ارمیناخان بہت کم عرصے میں پاکستانی شوبز انڈسٹری میں اپنی جگہ بنانے میں کامیاب ہوئی ہیں انہوں نے فلم ’’جاناں‘‘ اور ’’بن روئے‘‘ کے علاوہ متعدد ٹی وی سیریلز میں بھی اپنی اداکاری کے جوہر دکھائے ہیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close