انٹرٹینمنٹ

خواتین کے مسائل پر مبنی فلم سری دیوی کے نام

ممبئی: بالی ووڈ کے ہدایت کار ہنسل مہتا نے خواتین کے مسائل کے موضوع پر بننے والی اپنی نئی فلم سری دیوی کے نام منسوب کردی۔ بھارتی میڈیا رپورٹس کے مطابق سری دیوی کی موت پر ہدایت کار ہنسل مہتا نے ٹوئٹ کرتے ہوئے کہا کہ وہ سری دیوی کو ایک پروجیکٹ کیلیے رضامند کررہے تھے جس کی کہانی خواتین کے مسائل پر مبنی ہے جو چائنیز ناول سے لی گئی اس انتہائی خوبصورت کہانی کے  حقوق بھی حاصل کرلیے تھے۔

ہنسل مہتا نے کہا کہ مجھے اس  پروجیکٹ پر سری دیوی کے ساتھ کام کرنا بہت اچھا لگتا کیوں کہ میں نے انہیں ذہن میں رکھ کر ہی فلم کیلیے اپنی تیاری مکمل کی تھی مگر افسوس کہ وہ دنیا میں نہ رہیں۔

ہدایت کار کا کہنا تھا کہ انہیں اب اس فلم کے لیے ایک باصلاحیت ادکارہ کی تلاش ہے جو فلم کے ساتھ انصاف کرسکیں جب کہ وہ خواتین پر مبنی اس فلم کو آنجہانی اداکارہ سری دیوی کے نام سے منسوب کریں گے کیوں کہ وہ ایک شاندار ادکارہ تھیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close