نرگس فخری کی ساحل پر لی گئی متنازع تصاویر وائرل

بالی ووڈ کی دلکش اداکارہ نرگس فخری اپنی تصاویر کے باعث ایک بار پھر اپنے مداحوں کے توجہ کی زینت بن گئیں۔

بالی ووڈ کی راک اسٹار اداکارہ نرگس فخری ان دنوں یونان میں اپنی چھٹیوں کا لطف اُٹھا رہی ہیں، اداکارہ کی جانب سے یونان کے ساحل پر لی گئی چند متنازع تصاویر سوشل میڈیا پر پوسٹ کی گئیں جو وائرل ہوگئیں۔

اداکارہ نرگس فخری کے بالی ووڈ اور بھارت چھوڑنے سے متعلق خبریں گردش کررہی تھیں کہ اداکارہ نے خاموشی توڑتے ہوئے ان تمام خبروں کی تردید کردی۔

چند روز قبل اداکارہ نرگس فخری کی جانب سے انسٹاگرام جاری کئے گئے بیان سے تمام افواہیں دم توڑ گئیں اور ان کے مداحوں میں خوشی کی لہر دوڑا دی ہے۔

اداکارہ کا کہنا تھا کہ میں امریکا میں اپنا پراجیکٹ مکمل کررہی ہوں اور کچھ ہی ہفتوں میں اپنی فلم ’بنجو‘ کی تشہیر کے لیے واپس آؤں گی، میرا بالی ووڈ چھوڑنے کا کوئی ارادہ نہیں اور یہ تمام افواہیں بے بنیاد ہیں۔

واضح رہے کہ اداکارہ نرگس فخری بالی ووڈ کی فلم ’اظہر‘ میں آخری مرتبہ جلوہ گر ہوئیں تھیں ۔