صفحہ اول انٹرٹینمنٹ بوائے فرینڈ نے ماڈل کو قتل کرکے لاش سوٹ کیس میں پھینک دی

بوائے فرینڈ نے ماڈل کو قتل کرکے لاش سوٹ کیس میں پھینک دی

53 second read
0
0
Share on Pinterest
Share with your friends










Submit

بھارت میں جہاں ان دنوں اداکارائیں اور خواتین اپنے ساتھ ہونے والی ناانصافی اور جنسی طور پر ہراساں کیے جانے کے واقعات کو سامنے لا رہی ہیں، وہیں ممبئی میں ایک ماڈل کو بیہمانہ طریقے سے قتل کردیا گیا۔

ممبئی پولیس کے مطابق ایک ملزم کو اپنی گرل فرینڈ ماڈل کا قتل کرکے اس کی لاش سوٹ کیس میں بند کرکے پھینکنے کے الزام میں گرفتار کرلیا گیا،جب کہ انہوں نے قتل کا اعتراف بھی کرلیا۔

ہندوستان ٹائمز کی رپورٹ کے مطابق ممبئی کے بنگر نگر پولیس تھانے کے بیہمانہ طریقے سے قتل کی گئی 20 سالہ ماڈل مانسی ڈکشٹ کو ان کے اپنے ہی بوائے فرینڈ نے گزشتہ روز قتل کرنے کے بعد ان کی لاش کو سوٹ کیس میں ڈال کر پھینک دیا۔

رپورٹ کے مطابق 20 سالہ مانسی ڈکشٹ کو ان کے دوست سید مزمل حسین نے قتل کیا، جن کے ساتھ ان کی کچھ وقت قبل ہی انٹرنیٹ کے ذریعے دوستی ہوئی تھی اور دونوں ملزم کے فلیٹ میں ملتے رہتے تھے۔

پولیس نے بتایا کہ ماڈل مانسی ڈکشت کا تعلق ریاست راجستھان سے تھا اور وہ کچھ وقت قبل ہی ماڈلنگ اور شوبز کیریئر کے لیے ممبئی منتقل ہوئی تھیں۔

ممبئی منتقل ہونے کے بعد مانسی ڈکشٹ اور مزمل حسین کی انٹرنیٹ کے ذریعے دوستی ہوئی،جس کے بعد دونوں ملتے رہے۔

پولیس نے بتایا کہ مانسی ڈکشٹ کے قتل کی اطلاع ایک ٹیکسی ڈرائیور نے دی، جس کے ذریعے ملزم سید مزمل نے ماڈل کی لاش کو سوٹ کیس میں ڈال کر ریلوے اسٹیشن کے قریب ایک خالی جگہ پر پھینکنے کا کام سر انجام دیا۔

پولیس کے مطابق سید مزمل نے جس ٹیکسی ڈرائیور کی خدمات حاصل کیں، اس نے مزمل کو خالی جگہ پر چھوڑنے کے بعد چھپ کر سارا منظر دیکھا۔

رپورٹ کے مطابق ٹیکسی ڈرائیور نے دیکھا کہ سید مزمل سوٹ کیس کو سنسان خالی پلاٹ میں چھوڑ کر رکشہ میں بیٹھ کر سوار ہوگئے، جس کے بعد ٹیکسی ڈرائیور نے پولیس کو اطلاع دی،جس نے جائے وقوع پر پہنچ کر سوٹ کیس کو حراست میں لیا۔

ابتدائی تفتیش کے بعد سید مزمل کو گرفتار کرلیا گیا،جس نے بعد ازاں ماڈل کو قتل کرنے اور اس کی لاش کو سوٹ کیس میں بند کرکے پھینکنے کا اعتراف بھی کیا۔

ماڈل کو قتل کرنے والے ملزم کے خلاف قتل کی دفعات کے تحت مقدمہ درج کردیا گیا،تاہم فوری طور پر یہ معلوم نہیں ہوسکا کہ ملزم نے اپنی گرل فرینڈ کو کیوں قتل کیا۔

20 سالہ مانسی ڈکشٹ کے حوالے سے کہا جا رہا ہے کہ اس نے چند ٹی وی ڈراموں سمیت ٹی وی کمرشلز اور برانڈ کی تشہیر کے کچھ منصوبوں میں بھی کام کیا ہے۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

صنم سعید نے ازدواجی زندگی میں ناکامی کی وجہ خود کو قرار دے دیا

کراچی: ’زندگی گلزار ہے‘ اور’دیار دل‘ جیسے کامیاب ڈراموں کے ذریعے پہچان بنانے والی نامور پا…