چائے والا کے بعد رکشہ والا بھی میدان میں
جی ہاں ! ابھی چائے والے کے چرچے ختم نہیں ہوئے تھے کہ مبینہ طور پر راولپنڈی میں رکشہ چلانے والے خوبرو نوجوان کی تصاویر نے سوشل میڈیا پر گردش شروع کردی ہے۔
سوشل میڈیا صارفین کا کہنا ہے کہ پاکستان کا حسن لامحدود ہے اور یہاں کی مٹی میں ایک سے ایک حسین شاہکار جنم لیتے رہے ہیں‘ ان کی جانب سے مطالبہ کیا جارہا ہے کہ مذکورہ چائے والے کو بھی ایسے ہی مواقع فراہم کیے جائیں جیسے کہ اس سے قبل راتوں رات اسٹار بن جانے والے ارشد خان کو کیے گئے تھے۔
کچھ صارفین کا خیال ہے کہ یہ رکشہ والا‘ دیکھنے میں چائے والے ارشدخان سے زیادہ خوبرو ہے اب اس بارے میں صحیح فیصلہ تو عوام خود ہی کرسکتے ہیں۔
دوسری جانب کچھ لوگوں کا خیال ہے کہ ملک میں جاری سیاسی گرما گرمی کے ماحول میں رکشہ والا اپنی جگہ بنانے میں ناکام رہے گا
یاد رہے کہ نیلی آنکھیں اورگورا مکھڑے والا اسلام آباد کا چائے والا ارشد خان راتوں رات سوشل میڈیا کا سپر اسٹار بن گیا تھا ۔ اس چائے والے کی تصویر جونہی سوشل میڈیا پر پوسٹ ہوئی گھنٹوں میں ہی وائرل ہوگئی تھی۔
نہ صرف پاکستان میں بلکہ بھارت کی لڑکیا ں بھی ارشد خان کے حسن کی دیوانی ہوگئی تھیں اور اسے کئی فلمی اداکاروں سے زیادہ خوبرو قرارد یا تھا۔ بین الاقوامی میڈیا نے بھی ارشد خان کو کوریج دی تھی۔
