گلوکارہ مومنہ مستحسن نے قصیدہ بردہ شریف پڑھ کر رمضان کا تحفہ دے دیا

لاہور:  گلوکارہ مومنہ مستحسن رواں سال رمضان المبارک میں نجی ٹی وی پر رمضان ٹرانسمیشن پر میزبانی کے فرائض سر انجام دیں گی ۔ پروگرام کے پرومو کیلئے گلوکارہ نے پر سوز آواز میں قصیدہ بردہ شریف بھی ریکارڈ کرادیا ہے۔ تفصیلا ت کے مطابق کوک سٹوڈیو میں راحت فتح علی خان کے ساتھ ’ آفریں آفریں‘ گانا گا کر راتوں رات شہرت کی بلندیوں کو پہنچنے والی مومنہ مستحسن رمضان المبارک میں نجی ٹی وی پر رمضان ٹرانسمیشن کی میزبانی کے فرائض سر انجام دیں گی۔ مومنہ مستحسن کے پروگرام کے حوالے سے مداح کافی پر جوش ہیں اور ان کا قصیدہ بردہ شریف آنے کے بعد اس جوش و خروش میں اور بھی اضافہ ہوگیا ہے۔