ملکی ترقی اہداف حصول میں میڈیا اہم کردارادا کر رہا ہے

بدھ, 21 دسمبر 2016 14:15

پائیدار ترقیاتی اہداف سے متعلق قومی گول میز کانفرنس کے ابتدائی سیشن سے خطاب میں وزیر مملکت اطلاعات مریم اورنگزیب کا کہنا تھا کہ ہر شعبے کو اہداف کے حصول کیلئے تفصیلات سے آگاہ کیا گیا ہے، وژن 2025 میں عالمی فریم ورک کے تحت بھی اہداف مقرر کیے گئے ہیں ۔

انہوں نے کہا کہ حکومت ماں اور بچے کی صحت کے مسائل کے حل کیلئے بھی اقدامات کر رہی ہے، تسلیم کرتے ہیں کہ ملک میں آبادی بے ہنگم انداز سے بڑھ رہی ہے، حکومت بڑھتی ہوئی آبادی کے تناظر میں منصوبہ بندی کر رہی ہے، منصوبوں کی قدر اور نگرانی پر ہر سال کروڑوں روپے خرچ ہوتے ہیں، وفاق صوبوں میں اہداف کو حصول کو یقینی بنارہا ہے۔

وزیر مملکت اطلاعات نے کہا کہ ملک میں پہلی مرتبہ ضلعی سطح پر فنڈز کی فراہمی ترقیاتی اہداف سے منسلک کی گئی، انسانی ترقی کے اہداف بھی مقرر کیے گئے ہیں۔

انہوں نے کہا کہ وزیراعظم کی طرف سے مردم شماری کا اعلان خوش آئند ہے، مردم شماری ایک حساس اور اہم معاملہ ہے، گزشتہ 30سال پاکستان دہشت گردی کا شکار رہا، دہشت گردی کے باوجود قوم حوصلہ نہیں ہاری، تعلیم وصحت کا سلسلہ جاری رہا۔

مریم اورنگزیب نے کہا کہ پالیسیوں پر عمل درآمد میں صوبوں کو اپنا کردار اد ا کرنا ہے، ملکی ترقی کیلئے اہداف کے حصول میں میڈیا بھی اہم کردار ادا کر رہا ہے، اہداف کے حصول میں سیاست نہیں ہونی چاہیے، ہمیں دنیا کے ساتھ ساتھ اپنے وژن کو بھی آگے بڑھانا ہے، پاکستان کو خوشحال اور ترقی یافتہ ملک بنانے کیلئے تمام اہداف حاصل کر لیں گے۔

Read 917 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto