پاناما کیس کا فیصلہ نواز شریف کیخلاف آیا تو نواز لیگ کا صفایا ہوجائیگا، شیخ رشید

پیر, 17 اپریل 2017 00:13

راولپنڈی: عوامی مسلم لیگ کے سربراہ شیخ رشید کا کہنا ہے کہ پاناما کیس کے بعد سیاست کا اونٹ کس کروٹ بیٹھے گا کچھ کہنا قبل از وقت ہے، لیکن نواز شریف کے خلاف فیصلہ آنے پر مسلم لیگ (ن) پر جھاڑو پھر جائے گا۔ نجی ٹی وی سے بات کرتے ہوئے شیخ رشید کا کہنا تھا کہ مجھے پہلے یقین نہیں تھا کہ پیپلزپارٹی اور حکمران جماعت کے اختلاف ہیں لیکن اب تھوڑا تھوڑا یقین ہو رہا ہے کہ پیپلزپارٹی اور دیگر جماعتوں کی جانب سے کوئی نہ کوئی بہانہ بنا کر اپوزشن کی جا رہی ہے۔ ان کا کہنا تھا کہ کوئی جماعت سندھ کے نام پر اور کوئی دیگر معاملات کو جواز بنا کر حکومت کے خلاف بات کرتی نظر آتی ہے لیکن اب بھی کہتا ہوں کہ پارلیمنٹ کے اندر اور باہر اصل اپوزیشن عمران خان اور شیخ رشید ہی ہیں۔

شیخ رشید کا کہنا تھا کہ پاکستانی سیاست ایک نئے موڑ کی جانب گامزن ہے، عالمی قوتیں پاکستان کے سیاسی معاملات میں دلچسپی لے رہی ہیں اور پاکستان سمیت پوری دنیا کی نظریں پاناما کیس کے فیصلے پر لگی ہیں۔ ان کا کہنا تھا کہ پاناما کیس کے فیصلے کے بعد سیاست کا اونٹ کس کروٹ بیٹھے گا ابھی کچھ نہیں کہہ سکتا لیکن اتنا ضرور کہوں گا کہ اگر پاناما کا فیصلہ نوازشریف کے خلاف آگیا تو پوری مسلم لیگ (ن) پر جھاڑو پھر جائے گا اور اس کا صفایا ہوجائے گا۔

Read 772 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto