اسلام آباد

پنجاب پولیس مجھے جعلی مقابلے میں مار دیگی، منشاء بم

اسلام آباد: قبضہ مافیا گروپ کے سرغنہ منشا بم نے عدالت میں خدشہ ظاہر کیا کہ پنجاب پولیس اسے جعلی مقابلے میں مار سکتی ہے۔ اسلام آباد پولیس نے قبضہ مافیا گروپ کے سرغنہ منشا بم کو انسداد دہشتگردی کی عدالت میں پیش کیا۔ منشا بم نے عدالت کے روبرو بیان دیا کہ مجھے پنجاب پولیس پر کوئی اعتبار نہیں، میں پولیس سے بہت ڈر رہا ہوں، یہ مجھے جعلی پولیس مقابلے میں مار دیں گے۔

منشا بم نے کہا کہ میں پولیس کے ڈر سے مفرور تھا، میرا مقدمہ اور تفتیش کسی ایماندار پولیس افسر کے حوالے کی جائے، میرے چار بیٹے ہیں ایک پی ٹی آئی کی جانب سے چیئرمین کا الیکشن لڑ کر منتخب ہوا۔

انسداد دہشت گردی عدالت نے پولیس کو منشاء بم کا سفری ریمانڈ دے دیا۔ پنجاب پولیس کی ٹیم ملزم منشا بم کو لاہور منتقل کرے گی۔ اس پر بیرون ملک مقیم پاکستانیوں کی زمین پر قبضہ کرنے کا الزام ہے۔ واضح رہے کہ لاہور میں قبضہ مافیا گروپ کا سرغنہ منشا گزشتہ روز روپوشی ختم کرکے سپریم کورٹ میں پیش ہوا تھا جس کے بعد عدالت کے باہر سے اسلام آباد پولیس نے اسے گرفتار کر لیا تھا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close