پنجاب

پی ٹی آئی کا وزیراعظم سے مستعفیٰ ہونے کا مطالبہ، قرارداد پنجاب اسمبلی میں جمع

لاہور: پاکستان تحریک انصاف نے وزیراعظم شاہد خاقان عباسی سے مستعفیٰ ہونے کے مطالبے کی قرارداد پنجاب اسمبلی میں جمع کرائی ہے۔ پاکستان ویوز کے مطابق پنجاب اسمبلی سیکریٹریٹ میں وزیراعظم شاہد خاقان عباسی سے مستعفیٰ ہونے کے مطالبے کی قرارداد تحریک انصاف کی ڈاکٹر نوشین حامد کی جانب سے جمع کرائی گئی ہے۔

قرارداد میں کہا گیا ہے کہ موجودہ حکومت نے پارلیمنٹ سے منظور کردہ سالانہ بجٹ خسارے کی حد سے زیادہ قرضے لیے، 8 ماہ میں حکومتی قرضے 22 اعشاریہ 9 فیصد تک پہنچ گئے، جس سے ملکی معیشت کو شدید خطرات لاحق ہوچکے ہیں۔ ڈالر کی قیمت روپے کے مقابلے میں آسمان کی بلندیوں کو چھو رہی ہے جبکہ ملک دیوالیہ ہونے کے قریب پہنچ گیا ہے، اس لئے یہ ایوان وزیر اعظم شاہد خاقان عباسی سے مطالبہ کرتا ہے کہ وہ فوری طور پر استعفیٰ دیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close