صفحہ اول پاکستان پنجاب چیف جسٹس کا میڈیا مالکان کو کل دوپہر تک تنخواہیں ادا کرنے کا حکم

چیف جسٹس کا میڈیا مالکان کو کل دوپہر تک تنخواہیں ادا کرنے کا حکم

54 second read
0
0
25
Share on Pinterest
Share with your friends










Submit

لاہور: صحافیوں کی تنخواہوں کی عدم ادائیگیوں سے متعلق کیس میں چیف جسٹس نے میڈیا مالکان کو جمعرات دوپہر 2 بجے تک اپریل اور مئی کی تنخواہیں ادا کرنے کا حکم دیا ہے۔

سپریم کورٹ لاہور رجسٹری میں چیف جسٹس کی سربراہی میں صحافیوں کی تنخواہوں کی عدم ادائیگیوں سے متعلق کیس کی سماعت ہوئی، اس موقع پر تنخواہیں ادا نہ کرنے پر لاہور پوسٹ کے چیف ایڈیٹر اور منیجر کو گرفتار کرکے عدالت میں پیش کردیا گیا۔

سماعت کے دوران چیف جسٹس نے ریمارکس میں کہا کہ میڈیا مالکان جمعرات دوپہر 2 بجے تک اپریل اور مئی کی تنخواہیں ادا کر دیں ورنہ سخت کارروائی کروں گا، جو صحافی کام کرتے ہیں تنخواہیں ان کا بنیادی حق ہے لہذا کل 2 بجے تک اپریل اور مئی کی تنخواہیں صحافیوں کو مل جانی چاہئیں۔

گزشتہ سماعت پر عدالت نے تنخواہیں نہ دینے والے میڈیا مالکان کو کل طلب کرتے ہوئے میڈیا اداروں سے نکالے گئے صحافیوں کی برطرفیاں بھی معطل کردی تھیں۔ چیف جسٹس پاکستان نے عدالتی حکم کے باوجود تنخواہیں نہ دینے پر برہمی کا اظہار کرتے ہوئے کہا تھا کہ میڈیا مالکان ذاتی حیثیت میں پیش ہو کر وضاحت کریں، سپریم کورٹ نے بول ٹی وی، جیو نیوز، سیون نیوز، وقت، اب تک ٹی وی، اے آر وائی، رائل ٹی وی، جنگ، نوائے وقت اور نئی بات سمیت تنخواہیں ادا نہ کرنے والے دیگر میڈیا مالکان کو پیش ہونے کا حکم دیا تھا۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

عمران خان کی حکومت کو آسانی سے صدارتی الیکشن ہرایا جا سکتا ہے، رانا ثناء اللہ

لاہور: مسلم لیگ(ن) کے رہنما رانا ثناء اللہ نے کہا ہے کہ پنجاب میں چار نشستوں سے جیتنے والی…