خاتون نے اپنے شوہر اور 4 بچوں کو کلہاڑیوں کےوار کرکے قتل کردیا

خوشاب : پنجاب کے شہر جوہرآباد میں ایک خاتون نے اپنے شوہر اور 4 بچوں کو کلہاڑیوں کےوار کرکے قتل کردیا۔ تفصیلات کے مطابق خوشاب کے نواحی قصبے جوہر آباد میں تھانہ سٹی کی حدود میں 34 سالہ گلناز نامی خاتون نے اپنے شوہر اور 4 بچوں کو کلہاڑیوں کے وار کرکے قتل کردیا۔ پولیس کا کہنا ہے کہ خاتون کا اکثر اپنے شوہر کے ساتھ جھگڑا رہتا تھا۔ گلناز نے رات گئے شوہر اور بچوں کو قتل کیا، ملزمہ نے پانچوں قتل کلہاڑیوں کے وارسے کیے اور قتل کے بعد لاشوں پر پھولوں کی پتیاں بھی نچھاور کیں۔ پولیس نے مقتولین کی لاشیں تحویل میں لے کر ڈی ایچ کیو اسپتال منتقل کردی ہیں۔ پولیس کے مطابق قتل کی وجہ تاحال معلوم نہ ہوسکی تاہم ملزمہ گلناز کو حراست میں لے کر کارروائی کا آغاز کردیا گیا ہے۔