صفحہ اول کھیل و ثقافت ویرات انوشکا کی شادی پر پاکستانی کرکٹرز کی جانب سے مبارکباد

ویرات انوشکا کی شادی پر پاکستانی کرکٹرز کی جانب سے مبارکباد

2 min read
0
0
81
Share on Pinterest
Share with your friends










Submit

کراچی: بھارت کی نو بیاہتا جوڑی ویروشکا (انوشکا اور ویرات کوہلی) کی شادی پر بھارتی اسٹارز کے ساتھ پاکستانی کرکٹرز بھی بے انتہا خوش ہیں اوردونوں کے لیے اپنی نیک تمناؤں کا اظہار کررہے ہیں۔ ہزاروں افواہوں اور قیاس آرائیوں کے بعد بالآخر بالی ووڈ اداکارہ انوشکا شرما اور ویرات کوہلی شادی کے بندھن میں بندھ گئے دونوں کو جہاں ان کے چاہنے والے مبارکباد دے رہے ہیں وہیں پاکستان اور بھارت کے اسپورٹس اسٹارز کی جانب سے بھی انہیں مبارکباد دینے کا سلسلہ جاری ہے۔
ٹوئٹر پر قومی کرکٹ کے سابق آل راؤنڈر اور ہر دلعزیز کھلاڑی شاہد آفریدی نے دونوں کو شادی کی مبارکباد دیتے ہوئے کہا ہے کہ آپ کی خوشیاں ہمیشہ اسی طرح قائم و دائم رہیں۔ راولپنڈی ایکسپریس شعیب اختر نے کوہلی اورانوشکا شرما کو ان کی زندگی کی نئی اننگز پر نیک تمناؤں کااظہار کیا ہے۔
پاکستانی کرکٹرمحمد عامر نے ویرات کوہلی کی ٹوئٹ ری ٹوئٹ کی ہے جس میں کوہلی نے اپنی اور انوشکا شرما کی شادی کی خبر مداحوں کے ساتھ شیئر کی، قومی کھلاڑی عمر اکمل نے بھی ویرات اور انوشکا کے لیے اپنی نیک تمناؤں کااظہار کیا اور کہا کہ آپ کا پیار ہمیشہ یونہی چمکتا رہے۔
بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا نے دونوں کو مبارکباد دیتے ہوئے کہا ہے دونوں اپنی شادی کے دن بہت خوبصورت اور خوش لگ رہے ہیں۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

فرنچائزز اور بورڈ میں اختلافات، پی ایس ایل تھری کا انعقاد خطرے میں پڑگیا

لاہور: فرنچائزز اور بورڈ میں اختلافات کی وجہ سے پاکستان سپر لیگ (پی ایس ایل) تھری کا انعقا…