Featuredاسلام آبادتجارت

مالی سال 2023-24 کا بجٹ 9 جون کو ہی پیش ہو گا : وزارت خزانہ

بجٹ میں عوام کو ریلیف دینے کے لیے کمیٹیاں بھی قائم کر دی گئیں

اسلام آباد : سالانہ پلان کوآرڈینیشن کمیٹی کا اجلاس 2 جون اور قومی اقتصادی کونسل کا اجلاس 3 جون کو طلب کیا گیا ہے۔

وزارت خزانہ کے مطابق وزیرِ اعظم شہباز شریف قومی اقتصادی کونسل کے اجلاس کی صدارت کریں گے۔ موجودہ مالی سال جی ڈی پی گروتھ کا تخمینہ اعشاریہ دو نو فیصد ہے۔ نئے مالی سال 2023-24 کے لیے بجٹ اہداف کو حتمی شکل دی جائے گی۔

وفاقی ترقیاتی پروگرام کی مد میں 7 سو ارب روپے تجویز کیے ہیں۔ وزیرِ اعظم وفاقی ترقیاتی پروگرام ایک ہزار ارب روپے تک بڑھا سکتے ہیں۔ اگلے مالی سال کے بجٹ کا مجموعی حجم 14 ہزار 6 سو ارب سے زیادہ رکھنے کی تجویز ہے۔

بجٹ میں عوام کو ریلیف دینے کے لیے کمیٹیاں بھی قائم کر دی گئیں۔ اگلے سال کے لیے معاشی شرح نمو کا ہدف تین فیصد سے زیادہ رکھنے کی تجویز ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close