ایف بی آر ٹیکسوں کا مقررہ ہدف حاصل نہ کرسکا، شارٹ فال 380 ارب روپے سے تجاوز کرگیا

کراچی: فیڈرل بورڈآف ریونیو ( ایف بی آر ) ٹیکسوں کا مقررہ ہدف حاصل کرنے میں ناکام ہوگیا ہے، رواں مالی سال کے پہلے 10 ماہ (جولائی 2018تااپریل2019) کے دوران ایف بی آر کا ٹیکس شارٹ فال 380 ارب روپے سے تجاوز کرگیاہے۔

یہ بھی پڑھیں: کراچی سب سے زیادہ ٹیکس دیتا ہے، مزید افراد کو ٹیکس نیٹ میں لانے کی بھرپور کوشش کر رہے ہیں: ایف بی آر

ذرائع کے مطابق جولائی تا اپریل 3 ہزار ارب روپے کا ٹیکس اکٹھا کیا گیا، جبکہ 10 ماہ کا مقررہ ہدف 3 ہزار 380 تھا، اپریل میں اب تک 300ارب روپے کا ٹیکس اکٹھا کیا گیا ہے۔ایف بی آر کو اگلے دو ماہ میں مزید ایک ہزار 400 ارب روپے کا ٹیکس اکٹھا کرنا ہے۔ ایف بی آر کو 30 جون تک 4 ہزار 398ارب روپے کا ٹیکس اکٹھا کرنا ہے۔