More share buttons
Share with your friends










Submit
تعلیم و ٹیکنالوجی

سالِ نو کا آغاز ہوتے ہی واٹس ایپ نے صارفین کو بری خبر سنادی

Share on Pinterest
Share with your friends










Submit

کیلی فورنیا: واٹس ایپ انتظامیہ نے سال نو کا آغاز ہوتے ہی پرانے موبائل فونز پر سروس بند کرنے کا اعلان کردیا۔

واٹس ایپ کی جانب سے جاری اعلامیے کے مطابق رواں سال کے آغاز سے واٹس ایپ سروس نوکیا ایس 40 آپریٹنگ سسٹم پر استعمال نہیں کی جاسکے گی علاوہ ازیں تمام پرانے فونز بھی پیغام رسانی کی ایپلیکشن استعمال نہیں کرسکیں گے۔

واٹس ایپ انتظامیہ کے مطابق نوکیا موبائل سیٹ 206، آشا 210 سمیت ایس 40 آپریٹنگ سسٹم پر سروس بالکل ختم کردی گئی۔

انتظامیہ کے مطابق نوکیا 206 کے تمام ماڈلز، نوکیا 208، نوکیا 301، نوکیا 515، نوکیا آشا 201، 205، 210، 230 کے کسی بھی سیٹ پر سروس استعمال نہیں ہوسکے گی۔

علاوہ ازیں نوکیا 300،302، آشا 305، 306، 308، 309، 310، 311، 500، 501، 502، 503، سی تھری، سی تھری 01، ایکس 2، ایکس 2 -01 ، ایکس تھری 02.5 پر بھی سروس استعمال نہیں کی جاسکے گی۔

واٹس ایپ انتظامیہ کا کہنا تھا کہ ’پرانے آپریٹنگ سسٹم پر سروس بند کرنے کا فیصلہ ہمارے لیے بہت زیادہ دشوار گزار تھا مگر سروس کی بہتری اور صارفین کی اچھی خدمت کے لیے یہ اقدام اٹھایا گیا‘۔

انتظامیہ نے صارفین کومشورہ دیا کہ اگر وہ واٹس ایپ استعمال کرنا چاہتے ہیں تو اپنے موبائل آپریٹنگ سسٹم اپ گریڈ کرلیں۔

واٹس ایپ انتظامیہ کا کہنا تھا کہ مذکورہ موبائل سیٹس کے ساتھ کئی فیچرز میں جاری کام بند کردیا جائے گا جس کے باعث 2018 سے واٹس ایپ ان موبائل فونز پر دستیاب نہیں ہوگا۔

علاوہ ازیں اینڈائیڈ 2.3.7 ورژن، آئی فون تھری جی ایس اور آئی او ایس 6 پر بھی واٹس ایپ نے فروری 2020 تک سروس فراہم کرنے کا اعلان کیا۔

خیال رہے واٹس ایپ کو 138 ممالک میں ایک بلین سے زیادہ لوگ استعمال کر رہے ہیں اور اسے سماجی رابطے کی صف اول کی موبائل ایپلیکیشن سمجھا جاتا ہے۔

واٹس ایپ کے ذریعے نہ صرف تحریری پیغامات بلکہ آڈیو اور ویڈیو کالز سہولت بھی ہے جس کے ذریعے تصاویر، آڈیو اور ویڈیو کے ساتھ ساتھ مختلف فائلز بھی بھیج جا سکتی ہے۔

Share on Pinterest
Share with your friends










Submit
ٹیگز
مزید دیکھیں

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے