تعلیم و ٹیکنالوجی

سات انڈین سفارتخانوں کی ویب سائٹ ہیک

وزارت خارجہ نے کہا ہے کہ انھیں اس بارے میں علم ہے اور وہ اسے درست کرنے کی کوشش کر رہے ہیں۔

انڈیا کے یہ ساتوں سفارت خانے یورپ اور افریقی ممالک میں ہیں۔

انڈیا کی وزارت خارجہ کے ترجمان وکاس سوروپ نے کہا: ‘ہم اس مسئلے سے واقف ہیں اور ہمیں اسے درست کرنے کی کوشش کر رہے ہیں۔’

انڈیا کے اخبار ہندوستان ٹائمز کے مطابق کپوسٹکی اور کاسیمیئرز نامی ہیکروں نے ٹوئٹر پر دعوی کیا ہے کہ انھوں نے جنوبی افریقہ، لیبیا، ملاوی، مالی، اٹلی، سوئٹزرلینڈ اور رومانیہ میں موجود انڈین سفارتخانوں کی ویب سائٹ کو ہیک کیا ہے۔

انھوں نے چوری کردہ معلومات کو پیسٹ بن ڈاٹ کام نامی ویب سائٹ پر پوسٹ کیا ہے جس میں سفارت خانے کی تفصیلات کے علاوہ وہاں کے سٹاف کے پاسپورٹ کی تفصیلات بھی شامل ہیں۔

انھوں نے مبینہ طور پر بہت سے ہندوستانیوں کی تفصیلات بھی آن لائن جاری کر دی ہیں۔

اس سے قبل بھی انڈین سفارتخانوں کی ویب سائٹ ہیک کی جا چکی ہے۔

دونوں ہیکروں میں سے ایک نے ٹوئٹر پر ایک سوال کے جواب میں بتایا کہ انھوں ایسا اس لیے کیا کہ ان کے سکیورٹی انتظامات خراب تھے اور انڈیا کے سفارتخانے ہونے کے سبب ان کے سکیورٹی کے انتظامات بہتر ہونے چاہیے۔

ہیکروں نے دعویٰ کیا ہے کہ بہت سی دوسرے انڈین سفارتخانوں کے بھی انٹرنیٹ محفوظ نہیں ہیں۔

ان دونوں کا تعلق ہالینڈ کے پینٹیسٹر سے بتایا جاتا ہے۔

 

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close