ٹرانس جینڈر بِل کی حمایت پر اداکارہ عفت عمر کو تنقید کا سامنا
میں مکمل طور پر ٹرانس جینڈر ایکٹ کی حمایت کرتی ہوں
ٹرانس جینڈر بِل کی حمایت کرنے پر عفت عمر کو صارفین نے آڑے ہاتھوں لیتے ہوئے تنقید کا نشانہ بنا ڈالا
شوبز انڈسٹری کی سینئر اداکارہ عفت عمر نے ٹرانس جینڈر بِل کی حمایت کی ہے جس پر انہیں تنقید کا سامنا ہے۔
اداکارہ نے اپنے آفیشل ٹوئٹر ہینڈل سے ٹوئٹ کرتے ہوئے کہا ہے کہ میں مکمل طور پر ٹرانس جینڈر ایکٹ کی حمایت کرتی ہوں اور اس کے خلاف ایسی تمام جماعتوں اور ذہنیت سے نفرت اور مذمت کرتی ہوں جو اس بل کے خلاف پروپیگنڈے میں شامل ہیں۔
I totally support Transgender Act and condemn all this propaganda against them and detest such parties and mindset.
— Iffat Omar Official (@OmarIffat) September 21, 2022
ٹرانس جینڈر بِل کی حمایت کرنے پر عفت عمر کو ٹوئٹر صارفین نے آڑے ہاتھوں لیتے ہوئے تنقید کا نشانہ بنا ڈالا، صارفین کا کہنا ہے کہ ان جیسے لوگوں کی وجہ سے ہی ہماری سوسائٹی خراب اور برباد ہو رہی ہے۔
ایک صارف نے کہا کہ ’آپ خود کو مسلمان کہتی ہیں آپ کو ایسے گناہ کو پروموٹ کرنے کے بجائے شرم کرنی چایئے‘۔
You call yourself a Muslim … Astagfirullah #ٹرانس_جینڈرایکٹ_نامنظور https://t.co/CS6lg4DObh
— (@usmanwaraich_) September 21, 2022
یاد رہے کہ وزیر قانون اعظم نذیر تارڑ کا اس بِل سے متعلق کہنا ہے کہ ٹرانس جینڈر بل میں جنسی ہراسانی کو جرم بنایا گیا ہے، ڈس انفارمیشن ایسے پھیلائی گئی ہے جیسے یہ سارا بل ہی غلط ہے۔
اسلام آباد میں پریس کانفرنس کرتے ہوئے وزیر قانون کا کہنا تھا کہ ٹرانس جینڈر بل میں خواجہ سراؤں کے ملازمت کے حق کو محفوظ اور علاج معالجے کے معاملے کو تحفظ دیا گیا۔
View this post on Instagram
وزیر قانون نے کہا کہ ٹرانس جینڈر بل میں خواجہ سراؤں سے بھیک منگوانے کو بھی جرم قرار دیا گیا ہے، ہر قانون جو پاس ہوتا ہے اس میں کوئی نہ کوئی سقم ہوسکتا ہے۔
تاہم بڑی تعداد میں عوام سمیت سماجی و سیاسی شخصیات سے بل کی مخالفت کر رہے ہیں ان کا کہنا ہے کہ یہ اسلامی شریعت سے متصادم ہے جبکہ بےشرمی اور بےحیائی پھیلانے کا باعث بھی بنے گا۔
