More share buttons
Share with your friends










Submit
انٹرٹینمنٹ

نکی تمبولی اور چاہت کھنہ کے ساتھ پیشہ ورانہ تعلقات تھے : سکیش چندر

Share on Pinterest
Share with your friends










Submit

سکیش چندر سے متعلق منی لانڈرنگ کیسز میں بالی ووڈ کی حسیناؤں کے نام مسلسل سامنے آرہے ہیں۔

بھارتی اداکارہ نکی تمبولی کا منی لانڈرنگ میں ملوث سکیش چندر شیکھر کے ساتھ تعلق بھی سامنے آگیا۔

اداکارہ نکی تمبولی اور چاہت کھنہ بھی ایسی اداکارہ ہیں جنہیں سکیش کی جانب سے کئی مہنگے تحائف ملے ہیں۔

انڈیا ٹائمز کے مطابق بھارت کے انفورسمنٹ ڈائریکٹوریٹ کی طرف سے بتایا گیا ہے کہ اداکارہ نکی تمبولی بھی چندرشیکھر سے قیمتی تحائف اور نقد رقم لیتی رہی ہے۔

نکی تمبولی جن کا اصل نام نکیتا تمبولی ہے وہ پنکی ایرانی کے ذریعے سکیش سے ملی تھیں۔

سکیش چندرشیکھر نے کہا کہ ان کے صرف اداکار نکی تمبولی اور چاہت کھنہ کے ساتھ پیشہ ورانہ تعلقات تھے کیونکہ وہ ان کے پروڈیوسر کے بینر ایل ایس فلم میں کام کرنے والے تھے۔

رپورٹ کے مطابق، سکیش کی ملاقات نکی اور چاہت سے اس وقت ہوئی جب وہ دہلی کی تہاڑ جیل میں اپنی سزا کاٹ رہا تھا۔

ملزم سکیش نے مزید دعویٰ کیا کہ نورا ہمیشہ جیکولین سے حسد کرتی تھی۔ نورا فتحی ہمیشہ جیکولین فرنینڈس کیخلاف میری برین واشنگ کر رہی تھی

بھارت کی دو معروف سپر اسٹارز نورا فتحی اور فرنینڈس تقریباً ایک سال سے 200 کروڑ روپے کی بھتہ خوری میں ملوث ملزم سکیش چندر شیکھر کے ساتھ مبینہ طور پر ریلیشن میں ہونے کے باعث سرخیوں میں ہیں۔

حال ہی میں دونوں اداکاراؤں سے اکنامک آفنس ونگز اور انفورسمنٹ ڈائریکٹوریٹ نے پوچھ گچھ بھی کی تھی تاہم کیس میں پیشرفت اس وقت ہوئی جب ملزم کی جانب سے چارج شیٹ دائر کی گئی جس میں سکیش نے دعویٰ کیا کہ نورا ہمیشہ جیکولین سے حسد کرتی تھی۔

این ڈی ٹی وی کی رپورٹ کے مطابق سکیش نے اپنے وکلاء اننت ملک اور اے کے سنگھ کے ذریعے جاری کردہ ایک پریس بیان میں دعویٰ کیا کہ نورا فتحی ہمیشہ جیکولین فرنینڈس کے خلاف ان کی برین واشنگ کر رہی تھی اور وہ چاہتی تھی کہ وہ اسے چھوڑ کر نورا کو ڈیٹ کریں، اپنے بیان میں سکیش نے کہا کہ نورا دن میں کم از کم 10 بار مجھے کال کرنے کی کوشش کرتی تھی اور اگر میں کال کا جواب نہیں دیتا تھا تو وہ مجھے کال کرتی رہتی تھی۔
ملزم نے کہا کہ چونکہ میں اور جیکولین ایک سنجیدہ رشتے میں تھے، میں نے نورا کو ٹالنا شروع کردیا لیکن وہ مجھے فون کرکے پریشان کرتی رہی اور ساتھ ہی، مجھ سے بوبی (نورا کے رشتہ دار) کو میوزک پروڈکشن کمپنی قائم کرنے میں مدد کرنے کو کہتی رہی۔

قبل ازیں نورا فتحی نے حال ہی میں جیکولین فرنینڈس کے خلاف ہتک عزت کا مقدمہ درج کروایا جس میں مبینہ طور پر “بدنیتی کی وجہ سے ان کے خلاف ہتک آمیز الزامات لگائے گئے تھے”۔

واضح رہے کہ چند روز قبل سکیش چندر شیکھر کے خلاف منی لانڈرنگ کیس میں نورا فتیحی نے کروڑوں روپے کے منی لانڈرنگ کیس میں کئی اہم انکشافات کرتے ہوئے کہا تھا کہ سکیش نے بڑے بڑے وعدے کیے، جس میں ایک بڑا گھر اور پرتعیش طرز زندگی شامل تھی۔

انہوں نے مزید بتایا تھا کہ پنکی ایرانی نے انکی کزن سے رابطہ کرکے بتایا کہ جیکولین فرنینڈز ان کی طرف سے پیشکش کی منتظر ہیں لیکن سکیش مجھے چاہتے ہیں، ایک نیوز چینل سے بات کرتے ہوئے نورا نے کہا کہ مجھے شروع میں معلوم نہیں تھا کہ سکیش چندر شیکھر مجرم ہے کیونکہ سکیش ایل ایس کارپوریشن نامی کمپنی میں کام کرتا تھا۔ میرا نہ تو کوئی ذاتی رابطہ تھا اور نہ ہی میں نے ان سے کبھی کوئی بات چیت کی۔

نورا فتیحی نے بتایا کہ میں نے سکیش چندر شیکھر کو پہلی مرتبہ اس وقت دیکھا جب ای ڈی نے اپنے دفتر میں میرا سامنا کروایا۔

 

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close