انوشے اشرف کو اپنی رکشے کی سواری کی ویڈیو شیئر کرنا مہنگا پڑ گیا
پاکستان شوبزانڈسٹری کی نامور میزبان اور ماڈل انوشے اشرف کو اپنی رکشے کی سواری کی ویڈیو شیئر کرنا مہنگا پڑ گیا۔
انوشے اشرف نے رکشے میں سفر کرنے کو ایڈونچر قرار دیتے ہوئے ٹوئٹر پر اپنی ویڈیو شیئر کی اور ساتھ پی کیپشن میں لکھا کہ آج جب کسی نے مجھے رکشے میں سوار ہوتے دیکھا تو ہمدردی میں لِفٹ دینے کی پیشکش کی۔
اپنی ویڈیو کے کیپشن میں انہوں نے لکھا کہ میں نے سوچا کہ رکشے میں سفر کرنا ایک ایڈونچر ہوگا، میرا گھر وہاں سے قریب ہی تھا اور رکشہ نسبتاً محفوظ تھا کیونکہ آپ رکشے سے باہر آرام سے کود سکتے ہیں اور یہ سستا بھی ہے۔
Got offered a sympathy ride when someone saw me getting into a rickshaw 2day. I thought it’d be an adventure, was close to home, relatively safe (you can jump out) and cheap. But seeing a “well off” person in a rick can really worry ppl here! Normalise public transport for all. pic.twitter.com/pqnPw0FMsh
— Anoushey Ashraf (@Anoushey_a) March 7, 2023
نامور میزبان نے کہاکہ رکشے میں ایک خوشحال شخص کو دیکھ کر کافی لوگ پریشان بھی ہو سکتے ہیں، اس لیے سب لوگ پبلک ٹرانسپورٹ میں سفر کرنے کو معمول بنائیں۔
انوشے کی اس ویڈیو کے سامنے آتے ہی سوشل میڈیا صارفین نے انہیں آڑے ہاتھوں لیتے ہوئے کہاکہ مہنگا ئی کے اس دور میں غریبوں کی سواری کو ایڈونچر کہنا سرسر غلط ہے۔
