انٹرٹینمنٹ

ایشادیول کے گھر ننھی پری کی آمد

ممبئی: بالی ووڈ کی ڈریم گرل ہیمامالنی اوراداکار دھرمیندر کی بیٹی ایشادیول بیٹی کی ماں بن گئیں۔ اداکارہ ایشا دیول نے رواں سال اپریل میں ماں بننے کا اعلان کیا تھا اورآج صبح ممبئی کے ہندوجااسپتال میں انہوں نے ایک خوبصورت سی بیٹی کو جنم دیاہے۔ ایشادیول کے گھرشادی کے 5 سال بعد یہ خوشخبری آئی ہے لہٰذاپورا دیول خاندان خوشی سے سرشارہے۔
اس خبرکوبھی پڑھیں: ایشا دیول نے اداکارہ امریتا راؤ کو زوردار تھپڑ رسید کردیا
بھارتی میڈیا کے مطابق ہیما مالنی اوردھرمیندرجیسے کامیاب اداکاروں کی بیٹی ایشادیول کا شمار بالی ووڈ کی ناکام اداکاراؤں میں ہوتا ہے۔ ایشانے 2002 میں فلم ’’کوئی میرے دل سے پوچھے‘‘سے فنی کیرئیر کا آغاز کیا تھا، فلم باکس آفس پر خاص کامیابی حاصل نہ کرسکی تھی تاہم ایشاکو بہترین پرفارمنس پر فلم فیئر ایوارڈ سے نوازا گیا تھا۔
ایشا نے اپنے کیرئیرمیں متعدد فلموں میں کام کیا ہے تاہم فلم’’دھوم‘‘اور’’یووا‘‘کے علاوہ وہ اور کسی فلم میں خاص کامیابی حاصل نہ کرسکیں۔ ان کے بارے میں یہاں تک کہا جاتا ہے کہ ہیمامالنی اور دھرمیندر کی بیٹی ہونے کی وجہ سے فلمساز انہیں فلموں میں کاسٹ کرتے تھے تاہم پے درپے فلاپ فلمیں دینے کی وجہ سےانہیں کام ملنا بند ہوگیا۔
فلموں میں ناکامی کے باعث ایشانے شادی کرنے میں ہی عافیت جانی اور بھارتی بزنس مین بھرت تختانی سے 2012 میں شادی کے بندھن میں بندھ گئیں۔ ایشا اپنے شوہر کے ساتھ خوشگوارزندگی گزاررہی ہیں۔ جب کہ ان کے والدین اپنی بیٹی کے ماں بننے پربے انتہا خوش ہیں۔
واضح رہے کہ ہیمامالنی اور دھرمیندر دوسری بار نانا نانی کے عہدے پر فائز ہوئے ہیں اس سے قبل ان کی چھوٹی بیٹی آہانادیول کے گھربیٹے ڈیرن کی پیدائش ہوئی تھی۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close