انٹرٹینمنٹ

اداکار یاسر حسین خواجہ سرا کے کردار سے متعلق پوچھے گئے سوال پر آپے سے باہر ہوگئے

خواجہ سرا سے نفرت کرنے والا شخص خواجہ سرا ہی کا کردار ادا کر رہا ہے

کراچی: ڈرامہ انڈسٹری کے ابھرتے ہوئے اداکار یاسر حسین نئے آنے والے ڈرامے ”دردانہ“ میں خواجہ سرا کے کردار سے متعلق سوال پوچھنے پر آپے سے باہر ہوگئے۔

یاسر حسین نے سماجی رابطے کی ویب سائٹ انسٹا گرام پر ڈرامہ’’دردانہ“ میں خواجہ سرا کا کردار کی جھلک مداحوں کے لئے جاری کی جس پر اداکار کی جہاں تعریف کی گئی وہیں کچھ صارفین کی جانب سے کردار سے متعلق تنقیدی سوالات بھی پوچھے گئے۔

سوشل میڈیا صارف نے یاسیر حسین کی تصویر پر سوال پوچھا کہ اس کردار کے کے لئے اصل خواجہ سرا کی خدمات حاصل کیوں نہیں کرتے جس پر یاسر حسین نے سیدھا جواب دینے کے بجائے مداح کو یہ جواب دیا کہ آپ کو یہ جاب چاہئے۔

یہ بھی پڑھیں: اداکار یاسر حسین کی اسٹیج ڈرامہ ’’ ناچ نہ جانے‘‘ میں شاندار کارکردگی

انس ٹیپو نے یاسر حسین کی پوسٹ کو ٹوئٹ کرتے ہوئے کہا کہ یہ یاسر حسین ہیں جوکہ ڈرامے میں خواجہ سرا کا کردار ادا کر رہے ہیں لیکن جب ان سے سوال پوچھے گئے تو دیکھیں یہ نام نہاد تعلیم یافتہ اداکار کس طرح جوابات دیتے ہیں۔ کیوں زیادہ تر لوگ ایسے ہوتے ہیں۔

لیلیٰ نے اپنی ٹوئٹ میں کہا کہ کتنے افسوس کی بات ہے کہ خواجہ سرا سے نفرت کرنے والا شخص خواجہ سرا ہی کا کردار ادا کر رہا ہے جب کہ لیلیٰ نے اپنی ٹوئٹ میں یاسر حسین کے ماضی کے تلخ بیان کو دہراتے ہوئے کہا کہ کچھ سال قبل انہوں نے بچوں سے جنسی زیادتی کے واقعے کو مذاق کا نشانہ بناتے ہوئے کہا تھا کہ بچوں سے جنسی زیادتی کرنے والا اتنا خوبصورت ہے کاش میں بھی بچہ ہوتا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close