انٹرٹینمنٹ

شائقین میں بیٹھ کربیوی کی کامیابی کو سراہنے پر فواد خان کے سوشل میڈیا پرچرچے

کراچی

پاکستانی سپر اسٹار فواد خان کی ایک ویڈیو سوشل میڈیا پر وائرل ہورہی ہے جس میں وہ شائقین میں بیٹھ کر اپنی اہلیہ صدف خان کی کامیابیوں کو سراہتے ہوئے نظر آرہے ہیں۔

کراچی میں منعقد ہونے والے 3 روزہ  فیشن پاکستان ویک کے آخری روز اداکار فواد خان کی اہلیہ صدف خان نے اپنے ملبوسات شائقین کے سامنے پیش کیے۔ تاہم اس دوران اداکار فواد خان نہ صرف اپنی اہلیہ کی سپورٹ کے لیے موجود تھے بلکہ انہوں نےشائقین کے ساتھ بیٹھ کر اپنی بیوی کا حوصلہ بڑھایا۔

سوشل میڈیا پر وائرل ہونے والی ویڈیو میں دیکھا جاسکتا ہے کہ جب صدف خان شو اسٹاپر ہانیہ عامر اورفیروز خان کے ساتھ ریمپ پر آئیں تو فواد خان پہلی صف میں بیٹھ کر موبائل فون سے ان کی ویڈیو بناتے رہے۔

ایونٹ میں گلوکار عاصم اظہر بھی موجود تھے جو فیشن پاکستان ویک میں ماڈلنگ کے بجائےاپنی دوست ہانیہ عامر کی سپورٹ کے لیے موجود تھے۔ ہانیہ عامر کی ریمپ پر واک کے دوران عاصم اظہر بھی ان کی ویڈیو بناتے رہے۔

سوشل میڈیا پر فواد خان اور عاصم اظہر کی بے حد تعریف کی جارہی ہے اور سوشل میڈیا صارفین فواد خان کو اپنی اہلیہ صدف سے محبت کرنے کے ساتھ انہیں عزت دینے اور ان کا ساتھ دینے پر سراہ رہے ہیں۔

زلمے خلیل کی افغان صدر سے ملاقات، امریکا طالبان مذاکرات پر گفتگو

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close