اپنی سانولی رنگت سے بہت مطمئن ہو ں
سانولی رنگت کے باعث ’بدصورت‘ کہا گیا
سہانا خان نے اس بار اپنی ایک حساس پوسٹ کی وجہ سے میڈیا کی توجہ کا مرکز بنی ہوئی ہیں۔
سہانا خان نے حسب روایت انسٹاگرام پر اپنی بولڈ تصویر شیئر کرتے ہوئے ہندوستان سمیت دنیا بھر میں اہمیت رکھنے والے چہرے کی رنگت کے مسئلے پر بات کی۔
سہانا خان نے اپنی سوشل میڈیا پوسٹ میں انکشاف کیا کہ انہیں بچپن سے 12 سال کی عمر تک ان کی سانولی رنگت کی وجہ سے انہیں بدصورت کہا جاتا تھا۔
بولی وڈ بادشاہ کی بیٹی نے لکھا کہ اس وقت دنیا بھر میں جو بہت ساری باتیں چل رہی ہیں، ان میں رنگت کا مسئلہ بھی ہے، جسے اب حل کرنا ضروری بن گیا ہے۔
سانولی رنگت کا مسئلہ تمام نوجوان لڑکیوں اور لڑکوں کا ہے جو اس کے باعث احساس کمتری کا شکار بن رہے ہیں اور اسی احساس کے ساتھ ہی بڑے ہو رہے ہیں۔
شاہ رخ خان کی بیٹی نے اپنی پوسٹ میں لکھا کہ انہیں بچپن میں ہی اپنے قریبی رشتہ دار اور بالغ افراد ہی ان کی سانولی رنگت کی وجہ سے ’بدصورت‘ کہا کرتے تھے۔
انہوں نے لکھا کہ اگر رنگت اور قد کی وجہ سے کسی سے اپنے ہی خاندان کے افراد یا قریبی دوست ہی نفرت کرنے لگیں تو متاثرہ شخص احساس کمتری کا شکار بن جاتے ہیں۔
سہانا خان نے لکھا کہ ایسے لوگوں کو سمجھنا چاہیے کہ ہم سب بھارتی ہیں، جس وجہ سے ہم پیدائشی سانولے یا گہری رنگت والے ہوتے ہیں۔
انہوں نے واضح کیا کہ اگر کسی لڑکی کا قد 5 فٹ 7 انچ نہیں ہوگا یا اس کی رنگت گوری نہیں ہوگی تو اسے بدصورت ہی سمجھا اور کہا جائے گا۔
ساتھ ہی سہانا خان نے لکھا کہ ان کا قد 5 فٹ تین انچ ہے اور ان کی رنگت سانولی ہے اور وہ اپنی رنگت اور قد کے حوالے سے بہت مطمئن ہیں۔
