نیلم منیر نے کورونا وائرس کو شکست دیدی
پاکستان کی خوبرو اداکارہ نیلم منیر نے 11 دن کے بعد کورونا وائرس سے صحت یاب
اداکارہ نیلم منیر میں رواں ماہ 9 دسمبر کو کورونا کی تشخیص ہوئی تھی، جس کے بعد انہوں نے خود کو قرنطینہ کرلیا تھا۔
اداکارہ کی جانب سے خود میں کورونا کی تشخیص کی تصدیق سے دو دن قبل ہی سوشل میڈیا پر ان کے بیمار ہونے کی خبریں تھیں تاہم انہوں نے خود 9 دسمبر کو تصدیق کی تھی کہ انہیں کورونا ہوگیا۔
کورونا کی تشخیص کے بعد انہوں نے خود کو قرنطینہ کرلیا تھا اور اداکارہ نے بتایا تھا کہ ان میں کورونا کی شدید علامات ظاہر نہیں ہوئیں۔ اگرچہ انہوں نے خود کو محفوظ کرنے کے لیے تمام لازمی اقدامات کر رکھے تھے تاہم اس کے باوجود وہ کورونا میں مبتلا ہوگئیں۔
ساتھ ہی انہوں نے اس بات پر شکر ادا کیا تھا کہ ان کے اہل خانہ کے دیگر کسی فرد میں کورونا کی تشخیص نہیں ہوئی۔
View this post on Instagram
کورونا کی تصدیق کرنے کے 11 دن بعد ہی اب نیلم منیر نے بتایا کہ ان کا کورونا کا پی سی آر ٹیسٹ منفی آگیا اور وہ اب صحت مند ہیں۔
اداکارہ نے دعائیں کرنے پر مداحوں کا شکریہ بھی ادا کیا اور ساتھ ہی تمام افراد کو کورونا سے احتیاط کرنے کی اپیل بھی کی۔
