دلیپ کمار کے جانے سے تہذیب اور زبان کی شگفتگی کا ایک عہد تمام ہوا
الوداع دلیپ صاحب، شبانہ اعظمی کا دلیپ کمار کے انتقال پر اظہارِ افسوس
پاکستان شوبز انڈسٹری کی سینئر اداکارہ بشریٰ انصاری نے دلیپ کمارکے انتقال پر گہرے رنج کا اظہار کرتے ہوئے کہا کہ دلیپ کمار کے جانے سے تہذیب اور زبان کی شگفتگی کا ایک عہد تمام ہوا۔
انہوں نے انسٹاگرام پر اداکار کی ایک تصویر شیئر کرتے ہوئے لکھا کہ ’ایک عہد تمام ہوا، تہذیب اور زبان کی شگفتگی ختم ہوئی۔الوداع‘
View this post on Instagram
بشریٰ انصاری نے لکھا کہ ’دلیپ کمار سے مجھ ناچیز کی ملاقات بھی ہوئی اور شفقت بھری بات چیت بھی۔‘
دلیپ کمار کی مغفرت کی دعا کرتے ہوئے انہوں نے کہا کہ ’اللہ وہاں درجات بلند کرے۔
سنیئر بھارتی اداکارہ شبانہ اعظمی نے لیجنڈری اداکار یوسف خان المعروف دلیپ کمار کے انتقال پر اظہارِ افسوس کرتے ہوئے کہا کہ وہ دلیپ کمار کی طالب علم رہی ہیں کیونکہ انہوں نے دلیپ کمار کی زندگی اور فلموں کو دیکھ کر بہت کچھ سیکھا ہے۔
Versatility is the true hallmark of a great actor #Dilip Kumar was supreme.Tragedy or comedy he was unparalleled . He didnt go to a training institute but became an institution for generations of actors. I bow my head to him in https://t.co/I6KsDT8XGC #Dilip Kumar pic.twitter.com/lbOaPlJOSu
— Azmi Shabana (@AzmiShabana) July 7, 2021
اداکارہ شبانہ اعظمی نے مائیکرو بلاگنگ ویب سائٹ ٹوئٹر پر اداکار دلیپ کمار کی ایک یاد گار تصویر شیئر کرتے ہوئے ان کے انتقال پر اظہارِ افسوس کیا ہے۔
اپنے ٹوئٹ میں انہوں نے لکھا کہ ’الوداع دلیپ صاحب‘
انہوں نے دلیپ کمار سے اپنے تعلق سے متعلق بتاتے ہوئے لکھا ہے کہ ’یہ آپ کے علم میں نہیں کہ میں آپ کی طالب علم رہی ہوں۔‘
شبانہ اعظمی نے دلیپ کمار کا شکریہ ادا کرتے ہوئے لکھا کہ ’میں آپ کی گفتگو، آپ کے وقار اور سماجی طور پر ذمہ دار شخصیت ہونے پر شکریہ ادا کرتی ہوں۔
