More share buttons
Share with your friends










Submit
انٹرٹینمنٹ

سیف کا امرتا کو چھوڑتے وقت دیا گیا انٹرویو سوشل میڈیا پروائرل

Share on Pinterest
Share with your friends










Submit

ممبئی: بالی ووڈ کے چھوٹے نواب سیف علی خان کا سابقہ اہلیہ امرتا سنگھ کو چھوڑتے وقت دیا گیا انٹرویو سوشل میڈیا پر وائرل ہوگیا۔ سیف علی خان نے فلمی کیرئیر شروع ہونے سے قبل ہی 1991 میں خود سے 12 سال بڑی اداکارہ امرتا سنگھ سے شادی کرلی تھی جس کے بعد اداکارہ نے فلمی دنیا کو بھی خیرباد کہہ دیا تھا جب کہ دونوں اسٹارز کی جوڑی میں 13 سال بعد 2004 میں علیحدگی ہوگئی تھی جس کی وجوہات سے طویل عرصے بعد سیف علی خان نے پردہ کشائی کی ہے۔
سیف علی کا اداکارہ امریتا سنگھ سے علیحدگی کے بعد 2005 میں بھارتی اخبار ٹیلی گراف کولکتہ کو دیا گیا انٹرویو سوشل میڈیا پر تیزی سے وائرل ہورہا ہے جس میں انہوں نے سابقہ اہلیہ سے طلاق کی وجوہات سے پردہ اٹھاتے ہوئے حیران کن انکشافات کیے۔
اپنے انٹرویو میں سیف علی خان کا کہنا تھا کہ امرتا مجھے نکما کہتی تھی اور بار بار مجھے میری اوقات یاد دلائی جاتی تھی بلکہ طعنے ، منفی رویے کے ساتھ ساتھ مجھے ،میری والدہ، بہن اور بیٹی کو غلیظ گالیاں تک دیتی تھی اور یہ سب میں نے 10 سال تک برداشت کیا۔
انٹرویو میں چھوٹے نواب کا کہنا تھا کہ مجھے سارہ اور ابراہیم سے بھی ملنے کی اجازت نہیں تھی اور میرے پرس میں اپنے بچوں کی تصاویر موجود ہیں جنہیں دیکھ کر آبدیدہ ہوجا تا ہوں جب کہ طلاق کے عوض امریتا کو مجھے 5 کروڑ دینے ہیں جس میں سے اب تک ڈھائی کروڑ ادا کرچکا ہوں اور بیٹے ابراہیم کی عمر 18 سال ہونے تک ماہانہ ایک لاکھ ادائیگی کروں گا۔
واضح رہے کہ سیف علی خان کا امرتا سنگھ سے علیحدگی کے بعدسوئس ماڈل گرل روسا سے 3 سال تک قریبی تعلقات رہے لیکن 2012 میں انہوں نے کرینہ کپور سے دوسری شادی کرلی جس سے ان کا بیٹا تیمور علی خان ہے۔

Share on Pinterest
Share with your friends










Submit
ٹیگز
مزید دیکھیں

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے