کورونا اور مہنگائی عالمی ہے اس میں خود کو ایڈجسٹ کرنا ہے : شبلی فراز

اسلام آباد: ہمیں جہاں تک ممکن ہو کم پیٹرول استعمال کرنا چاہیئے

شبلی فراز کا کہنا تھا کہ حکومت کس کس چیز کو سبسیڈائز کرے، ہماری حکومت کی ترجیح کھانے پینے کی چیزوں پر سبسڈی دینا ہے۔

انہوں نے کہا کہ پاکستان پٹرول بناتا یا ہمارے پیٹرول کے کنوئیں ہوتے تو پھر اور بات تھی، عالمی مارکیٹ میں قیمتیں 95 ڈالرز تک پہنچ گئی ہیں، حکومت اس میں کوئی ٹیکسز نہیں ڈال رہی۔

ان کا کہنا تھا کہ وزارت سائنس کی کوشش ہے بجلی کم خرچ ہو، بجلی کم خرچ ہو گی تو آئل کی امپورٹ کم ہوگی، کورونا اور مہنگائی عالمی ہے ہمیں اس میں خود کو ایڈجسٹ کرنا ہے۔

شبلی فراز کا پٹرولیم مصنوعات کی قیمتوں میں اضافے پر عوام کو مشورہ دیتے ہوئے کہنا تھا کہ ہمیں جہاں تک ممکن ہو کم پیٹرول استعمال کرنا چاہیئے، سخت وقت میں زندگی نارمل نہیں رہ سکتی۔