Featuredپنجاب

عمران خان آئی ایم ایف سے عوام کا خون نچوڑنے کا معاہدہ کرکے گئے

لاہور :  عمران خان  4 سال کا حساب دینے کے بجائے ہم سے 4 ہفتوں کاحساب مانگ رہے ہیں۔

مسلم لیگ ن کی رہنما عظمیٰ بخاری کا کہنا ہے کہ پیٹرول کی قیمتیں بڑھانا مجبوری تھی، جلد قیمتوں کو نیچے لائیں گے، عمران خان آئی ایم ایف سے عوام کا خون نچوڑنے کا معاہدہ کرکے گئے۔

عظمیٰ بخاری نے کہا کہ وزیر اعظم نے لوڈشیڈنگ کے خاتمے کے لیےفوری اقدامات کی ہدایت کی ہے، حماد اظہر کی نااہلی کے باعث 18 پاور پلانٹ بند ہوئے، جب ایل این جی کی قیمت 3 سے 4 ڈالر تھی تب کیوں نہیں خریدی؟

عظمیٰ بخاری نے کہا کہ وزیر اعظم اپنے لیے کسی ادارے سے ریلیف نہیں لینا چاہتے۔

رہنما مسلم لیگ ن نے کہا کہ قائد انقلاب آج کل ضمانت ڈھونڈتے پھر رہے ہیں، عمران خان 4 سال کا حساب دینے کے بجائے ہم سے 4 ہفتوں کاحساب مانگ رہے ہیں۔

عظمیٰ بخاری نے کہا کہ عمران خان نے ملک کو معاشی اور سیاسی طور پر تباہ کر دیا ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close