Featuredاسلام آباد
ایف اے ٹی ایف آج شام میٹنگ کے نتائج کا باقاعدہ اعلان کرے گا : حنا ربانی کھر
ایف اے ٹی ایف پر نتائج، قیاس آرائی یا اندازوں پر مبنی رپورٹنگ سے گریز کیا جانا چاہیے
وزیر مملکت خارجہ حنا ربانی کھر کا کہنا ہے کہ فنانشل ایکشن ٹاسک فورس (ایف اے ٹی ایف) پر اندازوں پر مبنی رپورٹنگ نہ کی جائے ۔
حنا ربانی کھر نے مائیکرو بلاگنگ ویب سائٹ ٹوئٹر پر ایک پیغام میں کہا ہے کہ ’ایف اے ٹی ایف کا مکمل اجلاس برلن میں جاری ہے، ایف اے ٹی ایف آج شام میٹنگ کے نتائج کا باقاعدہ اعلان کرے گا‘۔
The #FATF Plenary Meetings r continuing in Berlin. FATF will issue a Public Statement after conclusion of the meetings tonight. Prejudging the outcome or speculative reporting could and should be avoided.
GOP has arranged a media briefing at MOFA on Saturday morning on this issue— Hina R Khar (@HinaRKhar) June 17, 2022
انہوں نے مزید لکھا ہے کہ ’ایف اے ٹی ایف پر نتائج، قیاس آرائی یا اندازوں پر مبنی رپورٹنگ سے گریز کیا جانا چاہیے‘۔
حنا ربانی کھر کا کہنا ہے کہ ’حکومتِ پاکستان نے ایف اے ٹی ایف کے معاملے پر ہفتے کی صبح وزارت خارجہ کے دفتر میں ایک میڈیا بریفنگ کا اہتمام کیا ہے‘۔
واضح رہے کہ پاکستانی وفد کی قیادت وزیرِخزانہ کے بجائے وزیر مملکت خارجہ حنا ربانی کھر کر رہی ہیں۔
