Featuredتعلیم و ٹیکنالوجیسندھ

کراچی میں بارش کے باعث انٹر بورڈ کے امتحانات ملتوی

کراچی: شہر قائد میں تیز بارش کی پیشگوئی پر انٹر بورڈ نے آج کے پرچے ملتوی کر دیے۔

تفصیلات کے مطابق محکمہ موسمیات نے آج کراچی میں تیز بارش کی پیش گوئی کی ہے، جس کے باعث آرٹس ریگولر، پرائیوٹ اور خصوصی امیدواروں کے پرچے اور عملی امتحانات ملتوی کر دیے گئے ہیں۔

ترجمان انٹر بورڈ کے مطابق ملتوی شدہ پرچے 23 اگست 2022 کو انھی مراکز میں لیے جائیں گے، جب کہ عملی امتحانات ری شیڈیول کرنے کے لیے کالجز کو ہدایت جاری کر دی گئی ہے۔

واضح رہے کہ محکمہ موسمیات کا کہنا ہے کہ کراچی میں کہیں ہلکی اور کہیں تیز بارش کا سلسلہ 24 گھنٹے برقرار رہے گا، بحیرہ عرب اور مشرقی راجستھان میں ہوا کا شدید کم دباؤ موجود ہے۔

موسمیات کے مطابق سندھ کے مختلف اضلاع میں بھی بارش کا سلسلہ جاری رہے گا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close