ڈیرہ غازی خان: مریم نواز نے سیلاب سے متاثرہ علاقے ٹبی قیصرانی کا دورہ کیا اور سیلاب متاثرین سے ملاقات کی۔
لیگی رہنما ٹبی قیصرانی کا دورہ کرنے کے بعد بستی ناڑی بھی پہنچیں۔
انہوں نے ٹبی قیصرانی اور بستی ناڑی میں سیلاب سے متاثرہ خواتین کے ساتھ گفتگو کی اور ان کے مسائل سنیں اور ہرممکن مددکی یقیین دہانی کروائی۔
اس موقع پر انہوں نے متاثرین کو مدد کی یقین دہانی کرواتے ہوئے کہا کہ اس مشکل وقت میں سیلاب متاثرین کو اکیلا نہیں چھوڑیں گے۔ ان کی بحالی تک ہم آرام سے نہیں بیٹھیں گے۔
والد کے مشن "عوام کی خدمت” پر عمل پیرا مریم نواز عوام کے درمیان
#مریم_عوام_کے_ساتھ pic.twitter.com/oC5NaPrBZC— PML(N) (@pmln_org) August 29, 2022
انہوں نے کہا کہ وہ سیاست کسی کام کی نہیں جو عوام کے کام نہ آئے، اس وقت تمام جماعتوں کا فرض ہے کہ قوم کی مدد کے لیے آگے آئیں۔
انہوں نے کہا کہ مخیرحضرات سے اپیل ہے کہ سیلاب متاثرین کی مدد کریں، سیلاب متاثرین کی بحالی کے لیے جو بھی کرنا پڑا ہم کریں گے۔
