حیدر آباد : خیرپورناتھن شاہ سے آنے والے دو جوڑوں کی شادی حیدر آباد کے امدادی کیمپ میں منعقد ہوئی۔
ملک کی تاریخ کے بدترین سیلاب میں اپنا سب کچھ گنوانے والے سیلاب متاثرین نے بے گھر ہونے کے باوجود امید کا دامن ہاتھ سے نہیں چھوڑا۔حیدرآباد میں سیلاب زدگان کے لئے لگائے گئے امدادی کیمپ میں ہونے والی شادی کی ویڈیو سوشل میڈیا پر وائرل ہوگئی۔
سیلاب کے باعث ضلع دادو کی تحصیل خیرپورناتھن شاہ سے آنے والے دو جوڑوں کی شادی حیدر آباد کے علاقے قاسم آباد کے گورنمنٹ گرلز کالج کے امدادی کیمپ میں ہوئی۔ شادی کے لئے باقاعدہ اسٹیج بھی سجایا گیا اور رسمیں بھی کی گئیں۔
ٻوڏ متاثر جوڙن جي شادي
قاسم آباد ۾ ٻوڏ متاثر ٻن جوڙن جي شادي ڪرائي وئي. خيرپور ناٿن شاهه واسي سجاول ۽ عامر پنهور گهوٽ بڻيا، سِنڌُو ۽ صبا پنهور ڪنوار بڻجي لائون لڌيون. جوڙن جي شادي اڳ ۾ رٿيل هئي پر ٻوڏ ۾ شهر ٻڏڻ سبب سندن شادي نه ٿي سگهي هئي. pic.twitter.com/bW0wSC81oU
— Asghar Narejo (@AsgharNarejoo) September 9, 2022
سیلاب متاثرین کا تعلق پہنور برادری سے ہے اور نوجوان جوڑوں کی شادی پہلے سے طے تھی۔ ریلیف کیمپ میں شادی کے بندھن میں بندھنے والے جوڑوں نے توقع ظاہر کی کہ وہ جلد اپنے گھروں کو لوٹ سکیں گے اور اپنی نئی زندگی کا آغاز کرسکیں گے۔
