پولیس کی احتجاج کرنے والے شرپسند عناصر پر قابو پانے کی حکمت عملی تیار

اسلام آباد: پولیس نے جلاؤ گھیراؤ اور املاک کو نقصان پہنچانے والوں کی شناخت کرنے کا فیصلہ کرلیا ہے۔

پولیس نے راولپنڈی اور اسلام آباد کے سنگم پر واقع علاقوں میں احتجاج کرنے والے شرپسند عناصر پر قابو پانے کی حکمت عملی تیار کرلی ہے۔

جلاؤ گھیراؤ اور املاک کو نقصان پہنچانے والوں کی شناخت کرنے کا فیصلہ کرلیا گیا ۔

سیف سٹی کیمروں اور موبائل ویڈیوز سے شرپسند عناصر کو شناخت کیا جائے گا۔

ان کی ویڈیوز نادرا کو بھیجی جائیں گی۔ نادرا سے تصدیق کے بعد شرپسند افراد کا ڈیٹا حاصل کیا جائے گا اور شناخت ہونے کے بعد ان کے خلاف قانونی کارروائی کی جائے گی۔