More share buttons
Share with your friends










Submit
Featuredسندھ

عمران خان کو اکثر باتیں دیر سے سمجھ آتی ہیں : شاہد خاقان

Share on Pinterest
Share with your friends










Submit

کراچی : آرمی چیف کی تعیناتی پر اثر انداز ہونے کے لئے مارچ کیا جارہا تھا۔

عمران خان قانون کے اندر رہے تو ہم استقبال کریں گے، ورنہ رانا ثنا اللہ استقبال کریں گے۔ عمران خان کو اکثر باتیں دیر سے سمجھ آتی ہیں۔

سابق وزیر اعظم شاہد خاقان عباسی نے احتساب عدالت کراچی میں پیشی کے موقع پر میڈیا سے گفتگو میں کہا کہ ملک میں احتساب پر جلسوں میں بات ہوتی ہے۔ چار سال ہونے کو ہے، نہ نیب کے گواہ آتے ہیں، نہ الزام پتہ چلتے ہیں۔ یہی نظام ملک کو تباہ کرتے ہیں۔

انہوں نے کہا کہ سرکاری افسران پر مقدمات بنائیں گے، تو کوئی کام کرنے کو تیار نہیں ہوگا۔ کوئی بھی نام نہاد احتساب سے محفوظ نہیں ہوگا۔ نیب کے ادارے کو ختم کرکے نیا نظام بنایا جائے۔ سابق چیئرمین نیب کے دور کا کوئی بھی کیس مکمل نہیں ہوسکا۔

ان کا کہنا تھا کہ سابق چیئرمین نیب بھی اپنے اثاثے قوم کے سامنے رکھیں۔ احتساب کے نظام کو تمام سیاسی جماعتوں سے مل کر تبدیل کرنا ہوگا۔ سرکاری افسران نیب کی موجودگی میں فیصلہ نہیں کرسکتے۔

لیگی رہنماء نے کہا کہ عمران خان ایک ماہ سے سفر میں ہیں۔ ابھی تک وہ اسلام آباد نہیں پہنچ سکے ہیں۔ ہم عمران خان کا استقبال کریں گے۔ آرمی چیف کی تعیناتی پر اثر انداز ہونے کے لئے مارچ کیا جارہا تھا۔ تعیناتی کا معاملہ خوش اسلوبی سے مکمل ہوگیا۔

شاہد خاقان عباسی کا کہنا تھا کہ عمران خان قانون کے اندر رہے تو ہم استقبال کریں گے، ورنہ رانا ثنا اللہ استقبال کریں گے۔ تعیناتی پر میڈیا سرکس لگایا گیا۔ سنیارٹی کی بنیاد پر تقرری ہونی تھی، ایک دن میں مکمل ہوگئی۔ عمران خان کو اکثر باتیں دیر سے سمجھ آتی ہیں؛ آئین پڑھ کر تعیناتی کا عمل سمجھ آگیا ہوگا۔

سابق وزیر اعظم نے کہا کہ روس سے تیل کی خریداری میں کوئی رکاوٹ نہیں۔ خریداری حکومت نہیں ریفائنری کرتی ہیں۔ اگر ایسی کوئی درخواست آئی تو دیکھیں گے۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close