شاہین شاہ آفریدی زندگی کی نئی اننگز شروع کرنے جا رہے ہیں
قومی کرکٹ ٹیم کے مایہ ناز فاسٹ باؤلر شاہین آفریدی اور انشا آفریدی نکاح کے بندھن میں بندھ گئے
فاسٹ باؤلر شاہین شاہ آفریدی کا نکاح سابق آل راؤنڈر شاہد آفریدی کی بیٹی انشا آفریدی سے کراچی میں ہوگیا۔
شاہین شاہ آفریدی نے سفید شیروانی زیب تن کیے ہوئے ہیں اور ان کے رشتہ دار بھی موجود ہیں۔
ڈیفنس میں نکاح کے بعد گالف کلب میں دعوت میں شاہین کے کپتان بابراعظم اور شاداب خان سمیت دیگر کھلاڑی بھی نظر آرہے ہیں۔
Pakistani cricketer Shaheen Shah Afridi gets married – to the daughter of former Pakistan cricketer Shahid Afridi – this is his nikah pic.twitter.com/VMzyxvcJcC
— omar r quraishi (@omar_quraishi) February 3, 2023
شاہین شاہ آفریدی یا انشا آفریدی کے خاندان کی جانب سے ان کے نکاح سے متعلق تفصیلات نہیں دی گئیں تاہم بتایا جا رہا ہے کہ شاہد آفریدی کی صاحبزادی کی رخصتی بعد میں ہوگی۔
یاد رہے کہ شاہین شاہ آفریدی کی منگنی مارچ 2022 میں سابق کرکٹر شاہد آفریدی کی صاحبزادی انشا آفریدی کے ساتھ ہوئی تھی۔
