Featuredپنجاب

آئی ایم ایف کے ایگزیکٹو بورڈ میں پاکستان کا کیس ایجنڈے پر نہیں، شیخ رشید

عوامی مسلم لیگ کے سربراہ اور سابق وفاقی وزیر شیخ رشید احمد کا کہنا ہے کہ چین نے مشکل کے وقت پاکستان سے دوستی کا حق ادا کیا ہے پھر بھی حکمران سامراج کے غلام بنے ہوئے ہیں۔

اپنی ٹوئٹ میں شیخ رشید احمد نے کہا کہ آئی ایم ایف کے ایگزیکٹو بورڈ میں پاکستان کا کیس ایجنڈے پر نہیں ہے،چین نے مشکل کے وقت پاکستان سے دوستی کا حق ادا کیا ہے پھر بھی حکمران سامراج کے غلام بنے ہوئے ہیں۔

سیاست دان وڈیو اور آڈیومیں پھنسے ہوئے ہیں، بجلی پر ساڑھے 3 روپے فی یونٹ اضافی سرچارج لگادیا ہے، غریب حاجیوں کے لیے بھی خزانہ خالی ہے اب ڈالر والے ہی حج کرسکیں گے۔

سابق وفاقی وزیر نے کہا کہ صدر نے تو انتخابات کی 30 اپریل کی تاریخ دے دی، پی ڈی ایم کی مشاورت کا فیصلہ ابھی سامنے نہیں آیا، الیکشن میں ہی ملک کی بقاءہے، الیکشن سے بھاگنےکی کوششں کی گئی تو نظریہ ضروت جنم پائے گا۔

شیخ رشید کا کہنا ہے کہ 90 روزہ نگران وزیر اعلیٰ 9 سالہ ترقیاتی کاموں کاافتتاح کررہے ہیں، 30 اپریل کو الیکشن ہوتے ہیں یا ابھی عشق کے امتحان اور بھی ہیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close