نگراں وزیراعلیٰ اور پولیس 8 مارچ کی طرح تصادم کرانا چاہتے ہیں،عمران خان
سابق وزیر اعظم عمران خان نے کہا ہے کہ نگراں وزیراعلیٰ اور پولیس 8مارچ کی طرح تصادم کرانا چاہتے ہیں.
اپنی ٹوئٹ میں عمران خان نے کہا کہ لاہور میں دیگر تمام سرگرمیاں جاری ہیں، صرف زمان پارک کے اطراف کنٹینرز اور پولیس تعینات کردی گئی، لگتا ہے پی ٹی آئی کی الیکشن مہم روکنےکے لئے دفعہ 144 نافذ کی گئی۔
عمران خان نے کہا کہ پنجاب کے وزیراعلیٰ اور پولیس 8 مارچ کی طرح پی ٹی آئی کی قیادت اور کارکنوں کے خلاف مزید جعلی ایف آئی آر درج کرنے اور انتخابات کو ملتوی کرنے کے کے لیے تصادم کو ہوا دینا چاہتے ہیں۔
It seems again Sec 144 has been imposed illegally solely on PTI election campaign as all other public activities are ongoing in Lahore. Only Zaman Park has been surrounded by containers & heavy police contingent. Clearly, like 8 March, Punjab CM & police want to provoke clashes
— Imran Khan (@ImranKhanPTI) March 12, 2023
سابق وزیر اعظم نے کہا کہ انتخابی شیڈول کے بعد سیاسی سرگرمیوں پر کیسے پابندی لگائی جاسکتی ہے، الیکشن شیڈول کا اعلان کر دیا گیا ہے تو پولنگ سرگرمیوں پر دفعہ 144 کیسے لگائی جا سکتی ہے؟ میں تمام پی ٹی آئی ورکرز سے کہہ رہا ہوں کہ وہ جھانسے میں نہ آئیں، اس لیے ہم نے ریلی کل تک ملتوی کر دی ہے۔
