More share buttons
Share with your friends










Submit
Featuredپنجاب

خطہ کسی جنگ کا متحمل نہیں ہوسکتا، ایران سعودی عرب سے اچھے تعلقات ہیں، مخدوم شاہ محمود قریشی

Share on Pinterest
Share with your friends










Submit

ملتان: وفاقی وزیر خارجہ مخدوم شاہ محمود قریشی نے کہا ہے کہ کچھ ایسے اشارے مل رہے ہیں، جس سے پاک بھارت تعلقات بہتری کی طرف جا رہے، امید کرتے ہیں کہ دونوں ممالک کے درمیان برف پگھل سکتی ہے، ہم نئی بھارتی حکومت کو مذاکرات کی دعوت دے چکے ہیں، دونوں ممالک کے مسائل کا واحد حل مذاکرات ہے، ہمارے ایران، سعودی عرب اور دیگر ممالک سے اچھے تعلقات ہیں، پاکستان سمجھتا ہے یہ خطہ کسی جنگ کا متحمل نہیں ہوسکتا، ہم خطے میں امن چاہتے ہیں، امریکہ اور ایران کی جنگ کا اثر پورے خطے پر پڑے گا۔

یہ بھی پڑھیں: ایران کو خطرہ سمجھنے والے پاک ایران تعلقات میں رخنہ اندازی کر رہے ہیں، مخدوم شاہ محمود قریشی

ان خیالات کا اظہار اُنہوں نے ملتان میں میڈیا سے گفتگو کرتے ہوئے کیا۔ انہوں نے مزید کہا کہ ہمیں مشکل حالات میں حکومت ملی، ہم اپوزیشن کو دعوت دیتے ہیں کہ ملکی وسائل اور اخراجات کو سامنے رکھتے ہوئے بجٹ بنا دیں، ہم کوشش کریں گے کہ بجٹ میں نچلے طبقے کو ریلیف دیا جائے۔

انہوں نے کہا کہ قوم انتظار کرے، مشکل وقت جلد دور ہوگا، تمام بحرانوں پر قابو پائیں گے، انہوں نے کہا کہ آزاد عدلیہ ہماری ضرورت ہے، تحریک انصاف کی حکومت قانون کی بالادستی کی قائل ہے، عمران خان نے خود عدلیہ کی آزادی کیلئے کام کیا۔ جج صاحبان ہمارے لیے قابل احترام ہیں، اگر جج صاحبان کے حوالے سے کوئی چیز سامنے آتی ہے تو اس کا ایک اپنا طریقہ کار ہے، سپریم جوڈیشل کونسل قائم ہے، جج صباحبان اس میں اپنا موقف اچھے طریقے سے بیان کرسکتے ہیں، تاکہ ریفرنس کی ضرورت نے پڑے۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close