کرونا خطرے کے پیش نظر مزید 24 ٹرینوں کو روک دیا
اسلام آباد: وزیر ریلوے نے کہا ہے کہ کرونا کے خطرے کے پیش نظر اب تک مجموعی طور پر 34 ٹرینوں کو روکا گیا ہے۔
وزیر ریلوے شیخ رشید نے اپنے ویڈیو پیغام میں کہا ہے کہ ملک میں 134 میں سے 100 ٹرینیں چل رہی ہیں، 10 سے 15 فریٹ ٹرینیں چل رہی ہیں۔
شیخ رشید نے کہا کہ پاکستان ریلوے کے یومیہ مسافروں کی تعداد میں کمی ہوئی ہے، 2 لاکھ سے کم ہوکر ایک لاکھ 65 ہزار مسافر یومیہ سفر کررہے ہیں۔
انہوں نے کہا کہ کرائے کی مد میں حاصل 8 کروڑ روپے مسافروں کو واپس کردئیے ہیں، مسافر اپنا ٹکٹ دوسری ٹرین میں بھی استعمال کرکے سفر کرسکتے ہیں۔
ٹرینوں کو بند کرنے کے حوالے سے خصوصی پیغام. pic.twitter.com/wsFjJk5tpM
— Sheikh Rashid Ahmad (@ShkhRasheed) March 20, 2020
ان کا کہنا تھا کہ ہم جو کماتے ہیں وہی ریلوے پر خرچ کرتے ہیں، اگر پوری سروس بند کی تو ہمارے پاس پنشن اور ملازمین کی تنخواہ کے پیسے نہیں ہیں، ہم 134 ٹرینوں میں سے 34 بند کرنے جارہے ہیں اس سے ملازمین کی تنخواہیں نہیں رکیں گی۔
