کرونا سے بچاؤ کیلئے وسیم اکرم کا اہلیہ کے ساتھ ویڈیو پیغام

لاہور: وسیم اکرم نے کرونا سے بچاؤ کیلئے اپنے مداحوں کو احتیاطی تدابیر پر عمل کرنے کی تلقین کی ہے۔

سابق کپتان وسیم اکرم اور ان کی اہلیہ شنیرا اکرم نے کرونا وائرس سے بچاؤ کیلئے خصوصی تدابیر اپنا لی اور اپنے مداحوں کو بھی ویڈیو پیغام کے ذریعے احتیاطی تدابیر سے آگاہ کرتے ہوئے ان پر عمل کرنے کی تلقین بھی کی ۔

پیغام میں سابق کپتان وسیم اکرم اور ان کی اہلیہ شنیرا اکرم نے بتایا کہ اپنے ہاتھ بار بار دھوئئں، دوسروں سے فاصلے پر رہیں، اگر آپ میں علامات ظاہر ہو رہی ہیں تو خود کو قرنطینہ میں رکھیں۔ دونوں نے اپنے مداحوں کو گھر پر رہنے اور اجتماع میں شرکت سے بھی منع کیا ۔