چین کی طرف سے پاکستان کو امدادی سامان کی فراہمی

اسلام آباد : چین سے ایک اور طیارہ امدادی سامان لے کر پاکستان پہنچ گیا

چین کی طرف سے امدادی سامان کی فراہمی کا سلسلہ جاری ہے ،چین سے پاکستان ایئر لائن کا خصوصی طیارہ امدادی سامان لے کر پاکستان پہنچ گیا۔

امدادی سامان میں وینٹی لیٹرز، سرجیکل ماسک اور حفاظتی گاؤن کےلیے بغیر سلا کپڑا شامل ہے۔

ترجمان کے مطابق چین سے آنے والے سامان میں 59 وینٹی لیٹرز اور 936 کلو سرجیکل ماسک شامل ہیں جبکہ حفاظتی گاؤن کےلیے 1720 کلو بغیر سلا کپڑا بھی آیا ہے۔

ترجمان این ڈی ایم اے کا کہنا ہے کہ دستانے اور تیار حفاظتی سوٹ، تھرمامیٹر اور حفاظتئ عینکیں بھی سامان میں شامل ہیں۔