کراچی : گورنر سندھ عمران اسماعیل میں کورونا وائرس کی تصدیق ہوگئی ہے۔
عمران اسماعیل کا کورونا وائرس ٹیسٹ مثبت آنے کے بعد پاکستان تحریک انصاف میں ہل چل پیدا ہوگئی ہے۔ پی ٹی آئی کے دیگر اراکین نے بھی اپنا کورونا ٹیسٹ کروانے کا فیصلہ کرلیا ہے۔
تفصیلات کے مطابق عمران اسماعیل نے گزشتہ روز بخار محسوس ہونے پر ٹیسٹ کروایا تھا جو آج پازیٹو آگیا۔ گورنر سندھ نے اپنے ٹوئٹر اکاؤنٹ پر بھی کورونا وائرس سے متاثر ہونے کی تصدیق کردی ہے۔
I have just been tested Covid 19 positive, Allah Kareem inshallah will fight it out. @ImranKhanPTI thought us to fight out the most difficult in life and I believe this is nothing against what we r prepared for. May Allah give strength to fight this Pandemic inshallah.
— Imran Ismail (@ImranIsmailPTI) April 27, 2020
جمال صدیقی کا کہنا تھا کہ گورنر سندھ عمران اسماعیل سے بہت سے رہنماؤں کی ملاقات ہوئی تھی، گورنر سندھ کے مثبت آنے کے بعد تمام رہنماؤں و اراکین نے کورونا ٹیسٹ کروانے کا فیصلہ کیا ہے۔
وزیر اعظم عمران خان نے کہا کہ عمران اسماعیل کی جلد صحت یابی کیلئے دعاگو ہوں۔ اللہ تعالیٰ عمران اسماعیل کو وبا سے لڑنے کی ہمت دے۔
