عالمی برادری بھارت میں بڑھتے ہوئے اسلام فوبیا کا نوٹس لے

اسلام آباد : وزیرخارجہ شاہ محمود قریشی کا کہنا تھا کہ مقبوضہ کشمیر میں80 لاکھ زندگیاں اجیرن ہوچکی ہیں۔

انہوں نے کہا کہ کشمیر کو خوراک، ادویات کی فراہمی کو یقینی بنانے کےلیے دباؤ ڈالا جائے، عالمی برادری کرفیو کے فی الفور خاتمے کیلئے بھارت پر دباؤ ڈالے۔

وزیر خارجہ نے مقبوضہ کشمیر سے متعلق گفتگو کرتے ہوئے کہا کہ بھارت کی جانب سے مقبوضہ کشمیر میں مسلسل کرفیو ہے، پابندیوں کے باعث 80 لاکھ کشمیریوں کی زندگیاں اجیرن ہوچکی ہیں۔

شاہ محمود قریشی کا مزید کہنا تھا کہ عالمی برادری بھارت میں بڑھتے اسلام فوبیا کا نوٹس لے۔