شوبز اسٹارز کا کراچی کنگز کی جیت پرمبارک باد پیغام

کراچی کنگز کی جیت پرشوبز ستاروں کی جانب سے بھی جشن منایا گیا۔

گلوکار عاصم اظہر کرکٹ کے جنونی مداحوں میں سے ایک ہیں اور اس بار جب ان کی پسندیدہ ٹیم کراچی کنگز چیمپئن بنی تو وہ خوشی سے پھولے نہیں سمائے۔

عاصم اظہر نے لکھا کہ ‘کراچی کنگز چیمپئن، یہ ہے کراچی۔

گلوکار علی ظفر نے بھی کراچی کنگز کی فتح پر ٹیم کو مبارک باد دیتے ہوئے لاہور قلندرز کی ٹیم کو فائنل تک پہنچنے کے لیے داد دی۔

اداکارہ مہوش حیات نے پی ایس ایل کے فائنل کو سنسنی خیز قرار دیتے ہوئے کراچی کنگز کو چیمپئن بننے کی مبارکباد دی۔

مہوش حیات نے کراچی کنگز کے مرحوم کوچ ڈین جونز کو میچ کی جیت کے موقع پر خراج تحسین بھی پیش کیا۔

اداکار فیصل قریشی نے بھی کراچی کنگز کی ٹیم کو جیت کی مبارکباد دی اور اپنے ٹوئٹ میں لکھا ‘مزہ آگیا’۔