فاسٹ بؤلر حسن علی ٹک ٹاک کے بادشاہ قرار، ویڈیو وائرل
لاہور : قومی کرکٹ ٹیم کے فاسٹ بؤلر حسن علی کو سوشل میڈیا صارفین نے ٹک ٹاک کی دُنیا کا بادشاہ قرار دے دیا۔
تفصیلات کے مطابق فاسٹ بؤلر حسن علی دُنیائے کرکٹ کے بعد اب ٹک ٹاک کی دُنیا پر بھی چھائے ہوئے ہیں جس کا اندازہ اُن کی حالیہ ٹک ٹاک ویڈیو پر آنے والے لائکس سے لگایا جاسکتا ہے۔
حسن علی نے ویڈیو شیئرنگ ایپ ٹک ٹاک پر موجود اپنی آفیشل اکاؤنٹ پر 15 گھنٹے قبل ہی اپنی نئی ٹک ٹاک ویڈیو اپ لوڈ کی ہے جو ایک پنجابی گانے پر بنائی گئی ہے۔
فاسٹ بؤلر کی مقبولیت کا اندازہ تو اس بات سے لگایا جاسکتا ہے کہ چند ہی گھنٹوں میں اُن کی اس ویڈیو پر 96 ہزار سے زائد لائکس آچکے ہیں جبکہ ایک ہزار سے زائد صارفین نے کمنٹس بھی کیے ہیں۔
دوسری جانب سماجی رابطےکی ویب سائٹ ٹوئٹر پر ایک صارف نے حسن علی کی ٹک ٹاک ویڈیو شیئر کرتے ہوئے کہا کہ ‘حسن علی ٹک ٹاک کے بادشاہ اور لیجنڈ ہیں’۔
Tiktok k Dunyaa ka Bitaaj Baadshah@RealHa55an Hasan Ali.
The legend of Tiktok. pic.twitter.com/oNWXi97GvS— Dr. Rihab khan (@DrRihabOfficial) December 3, 2020
اگر حسن علی کے ٹک ٹاک اکاؤنٹ کی طرف نظر دوڑائی جائے تو اس وقت ٹک ٹاک پر اُن کے ایک اعشاریہ ایک ملین یعنی 10 لاکھ سے زائد فالوورز ہیں جبکہ اُن کی تمام ویڈیوز پر اب تک 9 ملین یعنی 90 لاکھ لائکس آچکے ہیں۔
