لاہور: ملاقات میں پی ڈی ایم کے لاہور میں ہونے والے جلسے سے متعلق امور پر تبادلہ خیال کیا گیا۔
ذرائع کے مطابق پاکستان مسلم لیگ ن کے صدر شہباز شریف کی نائب صدر مریم نواز اور حمزہ شہباز کے مابین ہونے والی ملاقات کی اندرونی کہانی منظر عام پر آگئی۔
مریم نواز نے شہباز کو پی ڈی ایم کے جلسوں سے متعلق تفصیلات سےآگاہ کیا جب کہ شہباز نے مریم کو سیاسی معاملات چلانے سے متعلق مشورے دیے۔
ذرائع کے مطابق پاکستان مسلم لیگ ن کے صدر میاں شہباز شریف نے مریم نواز کو ڈائیلاگ کا راستہ کھلا رکھنے کا مشورہ دیتے ہوئے کہا ہے کہ اس حد تک نہ جائیں کہ واپسی مشکل ہوجائے۔
سپیکر پنجاب اسمبلی چوہدری پرویز الٰہی کی پاکستان مسلم لیگ (ن) کے صدر اور قائد حزب اختلاف شہبازشریف سے ملاقات
پرویز الٰہی نے شہبازشریف سے والدہ کی وفات پر تعزیت کی
پاکستان مسلم لیگ ن کی نائب صدر مریم نواز شریف بھی موجود تھیں
چوہدری پرویز الٰہی کی مریم نواز شریف سے بھی تعزیت pic.twitter.com/VMLnG4O4np
— PML(N) (@pmln_org) December 3, 2020
تینوں رہنماؤں کے درمیان ہونے والی ملاقات میں اتفاق کیا گیا کہ لانگ مارچ کے آپشن کو استعمال کیا جا سکتا ہے۔
ذرائع کا کہنا ہے کہ شہباز شریف نے ملاقات کے دوران مریم نواز کو مشورہ دیا ہے کہ استعفوں کے آپشن پر سب سے آخر میں سوچیں۔
اس حد تک نا جائیں جہاں سے واپسی مشکل ہو۔ پیپلزپارٹی سے استعفوں کے آپشن کے حوالے سے تحفظات ہیں۔
