واشنگٹن : امریکا میں پائلٹ نے انجن میں فنی خرابی کے باعث جہاز مین شاہراہ پر لینڈ کردیا۔
امریکی میڈیا رپورٹ کے مطابق امریکی ریاست مینیسوٹا کے علاقے منیاپولس میں پائلٹ نے چھوٹا طیارہ اچانک مصروف ہائی وے پر اتار دیا، خوش قسمتی سے ہنگامی لینڈنگ کے دوران کوئی جانی نقصان نہیں ہوا۔
رپورٹ میں بتایا گیا ہے کہ بدھ کی رات پائلٹ ارڈن ہلز کے قریب جہاز اڑا رہا تھا کہ اچانک انجن میں خرابی پیدا ہوئی تو اُس نے ہنگامی لینڈنگ کا فیصلہ کیا۔
پائلٹ نے جہاز اتارنے کے لیے ہائی وے کا انتخاب کیا اور کمال مہارت کے ساتھ طیارے کو اتارنے میں کامیاب رہا۔
ہنگامی لینڈنگ کی ویڈیو بھی سامنے آگئی جس میں دیکھا جاسکتا ہے کہ سڑک پر گاڑی رفتار کے ساتھ چل رہی تھی تو سیکنڈز کے فرق سے وہاں سے جہاز گزرا۔
ریمسے کاؤنٹی شیرف فیڈریشن کی جانب سے جاری بیان میں تصدیق کی گئی ہے کہ طیارے کا انجن خراب ہوگیا تھا جس کی وجہ سے پائلٹ کو ہائی وے پر ہی جہاز اتارنے کا فیصلہ کرنا پڑا۔
ICYMI: A plane landed on 35W last night. (Yes, really!)
While this isn't *quite* what we mean by a "multimodal transportation system," we're glad no one was injured and are impressed by the pilot's effort to #zippermerge from above! pic.twitter.com/imPdiQ1wMX
— Minnesota Department of Transportation (@MnDOT) December 3, 2020
