اسلام آباد : ملک بھر میں مہلک وبا کرونا وائرس کے مزید دو ہزار 362 افراد کو اپنی لپیٹ میں لےلیا جبکہ مرنے والوں میں مزید 36 افراد کا اضافہ ہوگیا۔
نیشنل کمانڈ اینڈ آپریشن سینٹر (این سی او سی) کے جاری کردہ اعداد و شمار کے مطابق ملک میں چوبیس گھنٹے کے دوران کرونا وائرس سے 36 افراد انتقال کرگئے، جس کے بعد مرنے والوں کی تعداد 8 ہزار 832 ہوگئی۔
این سی او سی کے مطابق ملک بھر میں کرونا وائرس کے مزید 2 ہزار 362 کیسز رپورٹ ہونے کے بعد ایکٹیو کیسز کی تعداد 47 ہزار 236 ہوگئی۔
اعداد و شمار میں بتایا گیا ہے کہ ملک میں کرونا وائرس سے صحت یاب افراد کی تعداد 3 لاکھ 84 ہزار 719 ہوگئی۔
